01.09.2026 | 23:48
ՀՀ նախագահը պաշտոնական այցով կմեկնի Չեխիա
Հիմա եթե մեկը որոշի 3 միլիոն ոչխար ներմուծել ՀՀ, պետք է ՇՄԱԳ անցնի՞․ Փաշինյան․ ՏԵՍԱՆՅՈՒԹ
Տնտեսություն
19.09.2019 | 12:27
Կառավարությունը այսօր ընդունեց որորշման նախագիծ, որով պետական աջակցություն կտրամադրի Հայաստանում ոչխարաբուծությունն ու այծաբուծությունը զարգացնելու համար։
Ըստ որոշման նախագծի՝ ոչխարաբուծությունը և այծաբուծությունը հանդիսանալով առավել ցածր ռիսկային և բարձր եկամտաբեր անասնաբուծության ճյուղերից մեկը բնակչությանը մատակարարում է սննդամթերք, բուրդ և կաշեհումք:
Առաջարկվող պետական աջակցության շրջանակներում ծրագրին մասնակցելու ցանկություն հայտնած իրավաբանական կամ ֆիզիկական անձանց, անհատ ձեռնարկատերերին տրամադրվելու են վարկեր ՀՀ դրամով, առավելագույնը 12 % անվանական տոկոսադրույքով, ընդ որում, վարկի հետ կապված Ֆինանսական կառույցների ծառայությունների դիմաց այլ վճարներ (կանխիկացման վճար, սպասարկման վճար, միջնորդավճարներ և այլն) չեն գանձվելու, ծրագրի շրջանակներում կսուբսիդավորվի յուրաքանչյուր շահառուի կողմից մինչև 450 հազար ՀՀ դրամ արժեքով ձեռք բերված կենդանու համար փաստացի վճարված գումարը, բայց ոչ ավելի քան տարեկան 900 մլն ՀՀ դրամը, ընդ որում ծրագրի շրջանակներում տրամադրվող վարկերի հանրագումարի մնացորդը մեկ շահառուի համար չի կարող գերազանցել 900 մլն ՀՀ դրամը, իսկ միայն 2019 թվականի համար ոչ ավել քան 450 մլն ՀՀ դրամը, ընդ որում ծրագրի շրջանակներում տրամադրվող վարկերի հանրագումարի մնացորդը մեկ շահառուի համար չի կարող գերազանցել 450 մլն ՀՀ դրամը:
Նախագծի վերաբերյալ Շրջակա միջավայրի նախարար էրիկ Գրիգորյանը հայտնեց, որ պետք է հստակեցնել՝ արդյոք չկա ռիսկ ոչխարաբուծության հետ կապված, որ մեծ ծավալները կարող են բերել անապատացման։
Ի պատասխան Գրիգորյանի մտահոգության՝ Փաշինյանը նշեց, որ հասկանում է, որ կարող է առաջանալ ՇՄԱԳ անցկացնելու անհրաժեշտություն.«Եթե մեկը որոշի 3 միլիոն ոչխար ներմուծի Հայաստան, հիմա պետք է ՇՄԱԳ անցնի․ իրավական բաց կա, որը պետք է լրացնել»։
Մանրամասները՝ տեսանյութում։
