21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Նիկոլ Փաշինյանը հանդիպում է Ժիրայր Սեֆիլյանի և Գարեգին Չուգասզյանի հետ
Քաղաքականություն
05.09.2019 | 18:30
Այս պահին կառավարությունում ընթանում է ՀՀ վարչապետ Նիկոլ Փաշինյանի, «Սասնա Ծռեր» կուսակցության ղեկավար անդամ Ժիրայր Սեֆիլյան և «Սասնա Ծռեր» կուսակցության քաղաքական խորհրդի անդամ Գարեգին Չուգասզյանի հանդիպումը:
Հանդիպման օրակարգի մասին տեղեկություններ ստանալու համար Factor.am-ը մեկնաբանություն խնդրեց վարչապետի մամուլի խոսնակ Վլադիմիր Կարապետյանից, որն ասաց․ «Նրանք միասին քննարկելու են երկկողմ հետաքրքրություն ներկայացնող հարցեր»։
Ճշգրտող հարցին՝ երկկողմ հետաքրքրություն ներկայացնող ներքաղաքակա՞ն , թե՝ նաև արտաքին քաղաքական հարցեր են քննարկվելու, պարոն Կարապետյանն ասաց․«Ես չեմ կարող ասել, ես այդ հանդիպմանը չեմ մասնակցելու»։
«Սասնա Ծռեր» կուսակցության անդամ Վարուժան Ավետիսյանն էլ Factor.am-ի հետ զրույցում նշեց, որ իրենք պարբերաբար հանդիպելու ցանկություն հայտնել են, իսկ թե ինչ օրակարգով է ընթանում այս հանդիպումը, նա խոստացավ պարզաբանել հանդիպման ավարտից հետո։
Նարեկ Կիրակոսյան
