Գյումրիում մեկ տարի առաջ գիշերօթիկի բակում տոպրակի մեջ հայտնաբերված նորածին երկվորյակներն ընտանիք են վերադարձել

Լուրեր

28.03.2024 | 17:42
Ուկրաինայում պատերազմը 537 երեխայի կյանք է խլել
28.03.2024 | 17:33
Լատվիայի ԱԳ նախարարը հրաժարական է տվել
28.03.2024 | 17:22
Ֆրանսիայում «Նելսոն» փոթորկի պատճառով դադարեցվել է գնացքների երթևեկությունը
28.03.2024 | 17:10
Պարզվել է 20-ամյա հղի կնոջ մահվան պատճառը. մեղադրանք է ներկայացվել բժշկական կենտրոնի երեք բժշկի
28.03.2024 | 17:00
Գերմանիայի նախկին կանցլերը հայտարարել է, որ Պուտինի հետ իր մտերմությունը կօգնի դադարեցնել Ուկրաինայում պատերազմը
28.03.2024 | 16:48
Ոստիկանության բարեփոխումների 2020-2022թթ․ ռազմավարության գնահատման հետազոտություն․ ՀՔԱՎ
28.03.2024 | 16:37
Ահաբեկչության ժամանակ «Կրոկուս»-ում հրդեհաշիջման համակարգը նորմալ է աշխատել, հրդեհային ելքերը բաց են եղել. ադրբեջանցի սեփականատիրոջ որդի
28.03.2024 | 16:26
Օդի ջերմաստիճանը աստիճանաբար կբարձրանա 8-10 աստիճանով
28.03.2024 | 16:24
ՀՀ կառավարությունը 29. 94 տոննա մարդասիրական օգնություն առաքեց Գազա․ ԼՈՒՍԱՆԿԱՐՆԵՐ
28.03.2024 | 16:18
Գերմանիայում 5 մարդ մեղադրվում է հակառուսական պատժամիջոցները խախտելու մեջ․ նրանք օգնել են Siemens-ի տուրբիններ մատակարարել Ղրիմ
28.03.2024 | 16:07
Գյումրիում հանրային սննդի օբյեկտը կվերսկսի իր գործունեությունը
28.03.2024 | 15:55
Անհապաղ հայրենադարձնել Ադրբեջանում պահվող բոլոր հայ գերիներին․ զեկույց ուղղված՝ ՄԱԿ-ի Խոշտանգումների դեմ կոմիտեին՝ Ադրբեջանի 5-րդ դիտարկմանն ընդառաջ
28.03.2024 | 15:51
ԱՄՆ Կոնգրեսի պատվիրակությունը մեկնում է Թուրքիա. քննարկվելու է նաև F-16-ի հարցը
28.03.2024 | 15:44
Ուժի մեջ է մտնում տուգանքների վճարման բոնուսային համակարգը
28.03.2024 | 15:41
ԱԺ աշխատանքի և սոցիալական հարցերի մշտական հանձնաժողովի նիստը՝ ՈՒՂԻՂ
Բոլորը

2018 թվականի հոկտեմբերին Գյումրիի Ֆրիտյոֆ Նանսենի անվան երեխաների խնամքի և պաշտպանության կենտրոնի բակում հայտնաբերված նորածին երկվորյակների՝ աղմուկ բարձրացրած պատմությունը հանգուցալուծվել է։  Երեխաները, որոնք հետագայում տեղափոխել էին Գյումրու «Երեխաների տուն», արդեն մոր հետ են։

«Մայրն արդեն տարել է երեխաներին, նրանք վերադարձել են կենսաբանական ընտանիք: Մայրը երեկ եկել է, երեխաներին տարել։ Այս ընթացքում էլ միշտ կապ պահպանել է իր երեխաների հետ, պարբերաբար այցելել է»,- Factor.am-ին փոխանցեցին Գյումրու «Երեխաների տուն» մանկատնից։

Հիշեցնենք, որ գրեթե մեկ տարի առաջ՝ 2018թ. հոկտեմբերի 17-ին, նորածին երկվորյակներին ՝Վահանին ու Վահեին, մայրը պոլիէթիլենային տոպրակով թողել էր Գյումրու գիշերօթիկի բակում և հեռացել։ Երեխաներին գտել էր հաստատության պահակը։ Նա նկատել էր, որ տոպրակը շարժվում է, բացել էր ու տեսել, որ դրա մեջ նորածին երեխաներ են։

Մի քանի օր անց՝ հոկտեմբերի 19-ին, Ոստիկանությունը գտել էր երեխաների մորը՝ 18-ամյա Մարիամ Մկրտչյանին, որն Արարատի մարզի Մասիս քաղաքից է։ Մայրը հրաժարվել էր երեխաներից։

Ամբողջ երկրում փոքրիկների պատմությունը մեծ աղմուկ էր բարձրացրել։ Հայտնվել էին երկվորյակներին որդեգրել ցանկացող բազմաթիվ ընտանիքներ ոչ միայն Հայաստանից, այլև արտերկրից։ Որդեգրում, սակայն, այդպես էլ չեղավ։

Աշխատանքի և սոցիալական հարցերի նախկին նախարար Մանե Թանդիլյանը հայտարարել էր, որ ավելի ճիշտ և նպատահարմար կլինի, որ երեխաներն ապրեն մոր հետ։ Մանե Թանդիլյանը հանդիպել էր փոքրիկների մորը, որը գիտակցելով, որ սխալ որոշում է կայացրել, ցանկացել էր վերադարձնել երեխաներին։ Նախկին նախարարը խոստացել էր օգնել մորը սոցիալական վիճակի բարելավման հարցում, որպեսզի երեխաներն ընտանիք վերադառնան:

Երեկվանից արդեն 8 ամսական երկվորյակները մոր հետ են։ Ըստ մեր տեղեկությունների՝ նրանք բնակվելու են Երևանում։

Էմմա Չոբանյան