01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Վերնիսաժի կրակոցներից վիրավորված Վահագն Աբգարյանը մի քանի օրից դուրս կգրվի հիվանդանոցից
Հասարակություն
15.09.2017 | 11:15
Վերնիսաժի կրակոցների հետևանքով վիրավորում ստացած Վահագն Աբգարյանի կյանքին վտանգ չի սպառնում։ Հետվիրահատական պրոցեսում որևէ բարդություն չի առաջացել, և վերջինիս տեղափոխել են պալատ։
«Վահագն Աբգարյանն արդեն նստում է, ծիծաղում, ամեն ինչ լավ է»,- Factor.am-ին հայտնեց «Աստղիկ» ԲԿ-ի գլխավոր բժիշկ Ռոբերտ Կյուրեղյանը:
Հետաքրքրվեցինք, թե բուժումը դեռ որքան է շարունակվելու, բժիշկն ասաց, թե ամեն ինչ կախված է ձեռքի վերքի վիճակից:
«Եթե վտանգներ չլինեն մի քանի օրվա ընթացքում դուրս կգրենք, եթե բարդություն առաջանա մի 10 օր դեռ կմնա»,- նշեց բժիշկը։
Հարցին, թե ոստիկանությունը շարունակո՞ւմ է հսկել հիվանդանոցի տարածքը, բժիշկը հստակեցրեց՝ պետական անվտանգության մարմիններից են հսկում․ «Միայն ինձ են ներս թողնում, նույնիսկ երկու անգամ դուռը թակելուց, փաստաթղթերս ստուգելուց հետո ինձ ներս թողեցին»,- կատակեց Կյուրեղյանը։
Սեդա Ղուկասյան
