15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
2020թ. թանկացում կլինի, բայց դեռ հաշվարկներ չկան, թե որ ապրանքը որքան կթանկանա. Եղիշե Սողոմոնյան. ՏԵՍԱՆՅՈՒԹ
Տնտեսություն
19.06.2019 | 20:37
Factor.am-ի հարցազրույցը «Իմ քայլը» խմբակցության պատգամավոր Եղիշե Սողոմոնյանի հետ
– Պարո՛ն Սողոմոնյան, չեն դադարում Հարկային օրենսգրքում Կառավարության առաջարկած՝ հատկապես եկամտահարկի համահարթեցման առնչությամբ դժգոհությունները: Արդարացված համարո՞ւմ եք այն քննադատությունները, թե ինչու պետք է բարձր և ցածր աշխատավարձ ստացողները նույն դրույքաչափով հարկվեն։
– Հարկային օրենսգրքի փոփոխություններն ամբողջության մեջ պետք է դիտարկել։ Նախագծում, բացի եկամտային հարկի համահարթեցումից, այլ փոփոխություններ ևս կան, որոնք միտված են ՓՄՁ-ների զարգացմանն ու այլ փոփոխություններին, որոնք բիզնեսի համար ավելի բարենպաստ պայմաններ են ստեղծում։ Շահութահարկի դրույքաչափը 20 տոկոսից իջեցվում է 18 տոկոսի, նվազեցնում է շահաբաժնի հարկման դրույքաչափը: Եվ եկամտային հարկի համահարթեցումը պետք է դիտարկել այս ողջ փոփոխությունների շրջանակում, որպեսզի հասկանալի լինի՝ այն լա՞վ է, թե՞ վատ: Ես ինքս կողմ եմ համահարթեցմանն այն պատճառով, որ դա կնպաստի վերացնել աշխատավարձերի ստվերային մասը։ Բացի այդ՝ պրոգրեսիվությունը պետք է գործի ոչ թե աշխատավարձի վրա, այլ եկամուտների վրա։ Ի վերջո, մենք պետք է ներդնենք եկամուտների հարկման համակարգը։ Բացի այդ՝ Կառավարությունը նաև գույքահարկի բարեփոխման նախագիծ է մշակել։
– Այդ նախագծով նախատեսվում է բարձրացնել գույքահարկը։ Կարո՞ղ եք ասել, թե շքեղ կամ ոչ շքեղ օբյեկտների, շինությունների գույքահարկը որքան կբարձրանա։
– Պրոգրեսիվ հարկմամբ պետք է հարկվի ոչ թե աշխատավարձը, այլ կապիտալը։ Իսկ կապիտալի բնորոշ հատկությունն անշարժ գույքի կամ տրանսպորտային միջոցի առկայությունն է, և շեշտը պետք է դրա վրա դնել։ Այսինքն՝ այն անձինք, որոնք ունեն թանկարժեք գույք, պետք է ավելի շատ հարկ վճարեն։ Այդպիսով՝ հարկման պրոգրեսիվությունը պետք է գույքահարկի ձևով մուտքագրել բյուջե:
– Ամեն դեպքում՝ այդ փոփոխություններով որքա՞ն կբարձրանա գույքահարկը։
– Դա դժվար է հաշվարկել, բայց արձանագրեմ մի իրողություն՝ տարիներ շարունակ գույքահարկի հարկման բազան եղել է շինության կադաստրային արժեքը։ Դա պետք է մոտ լինի շուկայական արժեքին, բայց իրականում շատ ցածր է: Դա ուներ սուբյեկտիվ պատճառ. մարդկանց ձեռնտու չէր ներկայացնել իրենց օբյեկտների շուկայական արժեքը, քանի որ գույքահարկը բարձր կլիներ։ Հիմա վերանայվելու է կադաստրային արժեքը և մոտեցվելու է շուկայականին։ Որքան հիշում եմ՝ Կադաստրի պետական կոմիտեի ղեկավարը հրապարակեց, որ ամենաթանկ գույքի շուրջ 1.5 մլն դրամ գույքահարկը մինչև 20 անգամ բարձրանալու է:
– Հունվարից կբարձրանա երրորդ երկրներից ներկրվող բազմաթիվ ապրանքների մաքսատուրքը։ Կառավարությունում կամ ձեր տնտեսական թիմում ունե՞ք հաշվարկ, թե արդյունքում եկող տարի ինչ թանկացումներ են լինելու։
– Այդ բարձրացումը պայմանավորված է նրանով, որ մենք ԵՏՄ անդամ ենք։ Բայց դժվար է ասել, թե դա գնաճի վրա որքան կազդի, քանի որ տարբեր ապրանքների վրա մաքսատուքի տարբեր դրույքաչափ է գործում։
– Ձեր տնտեսական թիմում չկա՞ն փորձագետներ, որ այդ ուսումնասիրությունը կատարեն, չէ՞ որ դա տնտեսության զարգացման դեպքում լուրջ գործոն է:
– Այդ դիտողությունը կընդունենք որպես առաջարկ և կփորձենք ամառային ամիսներին այդ աշխատանքը հանձնարարել մեր փորձագետներին:
Հարցազրույցն ամբողջությամբ՝ տեսանյութում:
Արմինե Ավետյան
