Գագիկ Ծառուկյանը՝ Սերժ Սարգսյանի վարչապետ դառնալու մասին

ԱԺ «Ծառուկյան» դաշինք խմբակցության ղեկավար Գագիկ Ծառուկյանը այդպես էլ հստակ պատասխան չտվեց՝ կո՞ղմ է, թե՞ դեմ Սերժ Սարգսյանի վարչապետի պաշտոնը զբաղեցնելու հեռանկարին:

«Երբ համապատասխան Հանրապետական կուսակցությունն իր որոշումը կկայացնի, իր թեկնածուին կառաջարկի, այն ժամանակ կասենք: Ուրեմն, համապատասխան դուք պետք է իմանաք, որ էդ իրավունքը տրված է ՀՀԿ-ին: Խորհրդարանական ընտրությունների ժամանակ իրենք տարել են առավելագույն ձայներ՝ 50+1, և որոշողն ու առաջարկողն իրենք են: Հարցն ինչի՞ եք ինձ տալիս: Երբ որ կասեն, այն ժամանակ իմ պատասխանը կլսեք»,- այսօր խորհրդարանում լրագրողների հետ զրույցում հայտարարեց Գագիկ Ծառուկյանը:

Factor.am-ի հարցին՝ եթե ՀՀԿ-ն որոշի, որ նա է վարչապետի թեկնածուն, իրենք չե՞ն խոչընդոտի, Ծառուկյանն արձագանքեց. «Խոչընդոտները պետք է լինեին ժողովուրդը, եթե մեր ժողովուրդն իր ձայնով գնացել է 50+1 տոկոսը տվել է ՀՀԿ-ին, հենց ՀՀԿ-ն էլ պատասխանատու է երկրի, ժողովրդի անվտանգության համար: Ես համապատասխան քարոզարշավի ժամանակ մեր ժողովրդին ներկայացրել էի՝ ժողովուրդ ջան հավաքվելով ու ասելով՝ Ծառուկյան փրկի, ես ասել եմ՝ ձեր ցավը տանեմ, տվեք փրկեմ: Ասում եմ խնդիրները, լուծումները, 15 կետերը, ծրագրերը, որ համակարգ փոխվի, մարդիկ փոխվեն, ասում էի ներդրումների բերման աղբյուրը: Ասում էին՝ Ծառուկյանը բլեֆ է արել: Համապատասխան մարդը հելավ հեռուստացույցի մոտ ասեց, որ՝ մենք պատրաստ ենք Ծառուկյանի ծրագիրն իրականություն դարձնենք»:

Առավել մանրամասն՝ տեսանյութում:

Շողիկ Գալստյան