10.01.2025 | 23:14
ՊԵԿ նախագահն ընդունել է Հնդկաստանի դեսպանին
Չկա ժողովրդավարություն առանց իրապես ազատ մամուլի. Ֆեդերիկա Մոգերինիի շնորհավորական ուղերձը
03.05.2019 | 11:46
ԵՄ բարձր ներկայացուցիչ Ֆեդերիկա Մոգերինիի Եվրոպական միության անունից շնորհավորել է Մամուլի ազատության համաշխարհային օրվա առթիվ:
«Մամուլի ազատության համաշխարհային օրը մենք նշում ենք ազատ մամուլի կարևոր դերը ոչ միայն որպես հուսալի և ճշգրիտ լրատվություն հաղորդող օղակ այլև ժողովրդավարության առանցքային հենասյուն։ Ժողովրդավարական գործընթացների որակը կապված է խոսքի ազատության, այդ թվում՝ լրատվամիջոցների ազատության ինչպես նաև բազմակարծության հետ։ Չկա ժողովրդավարություն առանց իրապես ազատ մամուլի։
Հասարակության համար ճշտված և արժանահավատ լրատվություն երաշխավորելու մեծ պատասխանատվությունից բացի ազատ, բազմազան և անկախ լրատվամիջոցները բազմակարծ և բաց հասարակության հիմնաքարն են։ Հետաքննող լրագրությունը կատարում է վերահսկողի անհրաժեշտ դեր օգնելով, որպեսզի կառավարությունները և պետական հաստատությունների բոլոր օղակները հաշվետու լինեն հասարակության առջև իրենց գործողությունների և պարտականությունների կատարման համար։ Այդուհանդերձ մենք տեսնում ենք, որ ավելի հաճախ փորձեր են արվում կրճատելու ազատ մամուլի տարածքը, այդ թվում՝ վստահության խաթարման կանոնավոր գործողություններով, և չափազանց շատ լրագրողներ կորցրել են կյանքնը կամ վտագի ենթարկվել ոչ հարմար ճշմարտությունը հասանելի դարձնելու պատճառով։
Այս տարի համաշխարհային 26-ամյակին անդրադառնում ենք այն մատրահրավերներին, որոնց հետ ապատեղեկատվության այս ժամանակաշրջանում առերեսվում են լրատվամիջոցներն ընտրական գործընթացներում, ինչպես նաև՝ ժողովրդավարությանը, խաղաղությանն ու հաշտեցմանն աջակցելու մամուլի ներուժին: Ապատեղեկատվությունն ունի ժողովրդավարական գործընթացների և հանրային բանավեճերի վրա բացասաբար ներազդելու մեծ ներուժ՝ ամբողջ աշխարհում, իսկ Եվրոպական միությունը բացառություն չէ։
Այդ պատճառով մեկնարկել ենք «Ապատեղեկատվությանն ընդդեմ ԵՄ գործողությունների ծրագիր» նախաձեռնությունը, որի միջոցով Եվրոպան մեծացնում է արձագանքը և բարձրացնում իր հասարակությունների դիմակայությունը ապատեղեկատվությանը: Ծրագիրը միտված է ապատեղեկատվության հայտնաբերման համակարգի բարելավմանը, Միության և ԵՄ անդամ պետությունների գործողությունների համակարգմանն ու միավորմանը, մասնավոր հատվածի համախմբմանն ու ստանձնած պարտավորությունների իրականացմանը, հանրային իրազեկվածության մակարդակի բարձրացմանը և քաղաքացիների հզորացմանը: Առողջ ժողովրդավարությունը հենվում է բաց, ազատ և արդար հանրային բանավեճերի վրա և մենք մեր պարտքն ենք համարում պաշտպանել այս տարածքը, թույլ չտալով ապատեղեկատվության տարածում, որն առաջացնում է ատելություն, բաժանումներ և ժողովրդավարության նկատմամբ անվստահություն:
ԵՄ-ն խթան է հաղորդում ազատ և արդար մամուլին ոչ միայն իր տարածքում, այլ նաև երրորդ երկրների հետ հարաբերություններում, այդ թվում ֆինանսավորելով թիրախային ծրագրեր՝ միտված լրագրության որակի բարձրացմանը, մամուլի ազատության խթանմանը և հանրային տեղեկատվության մատչելիության ապահովմանը: Ազատ լրագրության նկատմամբ ավելացող ճնշումների պայմաններում ԵՄ-ն վերահաստատում է վճռականությունը ԶԼՄ-ների և մամուլի ազատության պաշտպանությանը՝ իր սահմանների ներսում և ամբողջ աշխարհում:
(*) 2018 թվականի դեկտեմբերի 5-ին Եվրոպական հանձնաժողովի և ԵՄ բարձր ներկայացուցչի կողմից հաստատվեց Համատեղ հաղորդակցություն, որը սահմանում է «Ընդդեմ ապատեղեկատվության գործողությունների ծրագիրը»»,- ասված է ուղերձում:
