08.04.2026 | 20:09
Պարույր Հայրիկյանն ու Վարդան Ղուկասյանը միասին են մասնակցելու ընտրություններին
ՌԴ-ում ավտովարորդների վկայականների ճանաչման գործընթացը, կարծես թե, հանգուցալուծվեց. Վ. Սաֆարյան
Տնտեսություն
15.08.2017 | 13:10
«Աստանայում տեղի ունեցած վարչապետների հանդիպումը բավականին հուսադրող էր: Հանրության կողմից երկար սպասված ավտովարորդների վկայականների ճանաչման գործընթացը, կարծես թե, հանգուցալուծում ստացավ, և սա մեր հանրության մոտ ԵԱՏՄ-ի գործառույթների նկատմամբ վստահություն առաջացրեց»,- լրագրողների հետ հանդիպմանն ասաց «Հայրենական ապրանք արտադրողների միության» նախագահ Վազգեն Սաֆարյանը՝ խոսելով ԵԱՏՄ-ի արդյունաբերական քաղաքականության համատեքստում Հայաստանի մեքենաշինության զարգացման հեռանկարներից:
Հիշեցնենք, որ հունիսի 1-ից Ռուսաստանում արգելվեց աշխատանքի ընդունել օտարերկրացի վարորդներին, ովքեր ռուսական վարորդական իրավունք չունեն, բացառությամբ այն երկրների քաղաքացիների, որտեղ ռուսերենը պետական լեզու է: Հայկական կողմը փորձեց կարգավորել խնդիրը Հայաստանի Ազգային ժողովի նախագահ Արա Բաբլոյանի և Ռուսաստանի Պետդումայի խոսնակ Վյաչեսլավ Վոլոդինի հանդիպման ընթացքում: Այս հանդիպման ընթացքում, սակայն, Վոլոդինը Հայաստանի իշխանություններին առաջարկեց Հայաստանում ռուսերեն լեզվին տալ պաշտոնական կարգավիճակ՝ ՌԴ-ում հայկական վարորդական վկայականները «անցկացնելու» դիմաց:
Առավել մանրամասն՝ տեսանյութում:
