02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
«Մատենադարան-Գանձասար»-ում հայագիտական միջազգային գիտաժողով կկազմակերպվի
Հասարակություն
20.02.2019 | 14:55
2019 թվականի աշնանը «Մատենադարան-Գանձասար»-ի և «Հայագիտական ուսումնասիրությունների միջազգային ընկերակցության» (ՀՈՒՄԸ) համատեղ նախաձեռնությամբ կազմակերպվելու է հայագիտական միջազգային գիտաժողով, որին ներկա են լինելու անվանի մի խումբ գիտնականներ: Այս մասին «Արցախպրես»-ի թղթակցի հետ զրույցում ասել է «Մատենադարան-Գանձասար» գիտամշակութային կենտրոնի տնօրենի պաշտոնակատար Արամ Թորոսյանը:
Նրա խոսքով՝ 2018 թվականին գիտամշակութային կենտրոնում կազմակերպվել է Մեծի Տանն Կիլիկիո կաթողիկոս, նշանավոր հայագետ, մատենագետ, աստվածաբանության և փիլիսոփայության դոկտոր Գարեգին Հովսեփյանի ծննդյան 150-ամյակին նվիրված ցուցադրություն, ինչպես նաև Ստեփանոս Երեցի «Հանգիտագիրք» պատմագրքի (գրաբար բնագրի աշխարհաբար փոխադրությամբ) և Երևանի Մատենադարանի արխիվային բաժնի վարիչ, պատմական գիտությունների թեկնածու Արմեն Մալխասյանի «Հայկական կազմարարության Արցախ-Ուտիքի դպրոցը» գրքերի շնորհանդեսը, իսկ այս տարվա փետրվարի 19-ին՝ ամենայն հայոց բանաստեղծ Հովհաննես Թումանյանի ծննդյան 150-ամյակին նվիրված գիտաժողով:
Ըստ Ա. Թորոսյանի՝ «Մատենադարան-Գանձասար» գիտամշակութային կենտրոնը 2018 թվականին ընդունել է շուրջ 16 հազար տեղացի և օտարերկրյա այցելուների՝ նախորդ տարվա 13 հազար 500-ի փոխարեն:
«Այցելուների մեծ մասը եղել են Ռուսաստանի Դաշնության, Եվրոպական երկրների, Ամերիկայի Միացյալ Նահանգների, Հայաստանի և Արցախի քաղաքացիներ: Շարունակել ենք նաև մեր համագործակցությունը պաշտպանության բանակի հետ. այս տարի ընդունել ենք 1531 զինծառայողի: Այս տարվա այցելուների գերակշիռ մասը եղել են զբոսաշրջիկները:Նրանց հետաքրքրում է մեր գիտամշակութային կենտրոնի ցուցադրությունը, որտեղ հիմնականում ներկայացված են Արցախում գրչագրված ձեռագրեր, կամ այլ նահանգներից Արցախ բերված ու պահված ձեռագրեր, արխիվային փաստաթղթեր և հնատիպ գրքեր: Մենք նաև տեղացիների իրազեկման խնդիր ունենք. արցախցիներին պետք է ծանոթացնել այն հարուստ ձեռագրական ժառանգությանը, որ ժամանակին ստեղծվել է Արցախի գրչության կենտրոններում»,-մասնավորապես ասել է տնօրենի պաշտոնակատարը:
Առավել մանրամասն՝ սկզբնաղբյուր կայքում:
