Հասարակություն
07.08.2017 | 15:1610 տարվա ընթացքում Հայաստանում 85 բուհից մնացել է 60-ը, իսկ ուսանողների թիվը նվազել է՝ 110 հազարից հասնելով 85 հազարի։ Այս մասին այսօր լրագրողների հետ հանդիպմանն ասաց սոցիոլոգ Ահարոն Ադիբեկյանը։
Սոցիոլոգի կարծիքով՝ բուհերի և ուսանողների թվի նվազումը միայն ծնելիության և արտագաղթի հետ չէ կապված։ Բայց այդ, դպրոցի շրջանավարտների մոտ 60 տոկոսը գաղափար չունի իր կենսական պայմանների և կյանքի նպատակի վերաբերյալ:
«Նրանք, որվքեր կարողանում են կողմնորոշվել, ավելի ճիշտ ընտրություն են անում»,- հայտարարեց Ադիբեկյանը:
ԵՊՀ միջհամալսարանական կրթության վարչության պետ Վաչագան Գալստյանն էլ անդրադարձավ ԵՊՀ-ում դիմորդների թվին և պահանջված մասնագիտություններին՝ նշելով, որ մտահոգիչ փաստ կա՝ ֆիզմաթ և բնագիտական ֆակուլտետներում դիմորդների թիվը նվազել է: Նրա ներկայացրած տվյալներով՝ ԵՊՀ-ում մեկ տեղի համար մեկից երկու դիմորդ են եղել ինֆորմատիկա և կիրառական մաթեմատիկա, ինչպես նաև տեղեկատվական անվտանգություն, մշակութաբանության, միջազգային հարաբերություններ, իրավագիտություն ֆակուլտետներում:
Մանրամասները՝ տեսանյութում:
Շողիկ Գալստյան
