03.04.2026 | 10:42
Իրանը հայտարարել է, որ ամերիկյան երկրորդ F-35 կործանիչ է խոցել
Մայրաքաղաքը կունենա մինի ֆուտբոլի ևս 6 խաղադաշտ
03.08.2017 | 14:24
Բակային ֆուտբոլի նկատմամբ երեխաների ու դեռահասների շրջանում եղած մեծ հետաքրքրությունից ելնելով, ինչպես նաև բակային ակտիվ հանգստի ապահովման նպատակով ամեն տարի վարչական շրջաններում ավելանում է մինի ֆուտբոլի խաղադաշտերի թիվը:
Երևանի քաղաքապետարանի 2017 թվականի շինբարեկարգման ծրագրով նախատեսված աշխատանքների շրջանակներում մայրաքաղաքում ավարտին է մոտենում մինի ֆուտբոլի դաշտերի կառուցման ծրագիրը:
Ինչպես տեղեկացնում են Երևանի քաղաքապետարանից, ըստ այդմ, Աջափնյակ, Նորք-Մարաշ, Դավթաշեն, Նոր Նորք, Քանաքեռ-Զեյթուն վարչական շրջաններում կառուցվում են մեկական նոր խաղադաշտեր: Եվս մեկ խաղադաշտ կկառուցվի Շենգավիթ վարչական շրջանում: Այսպիսով, եղած խաղադաշտերը մինչև տարեվերջ կավելանան ևս վեցով:
Մինի ֆուտբոլի խաղադաշտերի տեղանքն ընտրվում է վարչական շրջանների հետ համատեղ` հաշվի առնելով բնակչության խտությունն ու քաղաքաշինական տեսակետից նման կառույց տեղակայելու հնարավորությունը: Մինի ֆուտբոլի խաղադաշտերը շահագործման են հանձնվում ամբողջովին կահավորված, արտաքին լուսավորության համակարգերով և հարակից տարածքների բարեկարգմամբ, իսկ առանձին դեպքերում` նաև փոքր տրիբունաների առկայությամբ: Զուգահեռաբար, վարչական շրջանների միջոցներով նորոգվում ու կարգաբերվում են նախկինում կառուցված դաշտերը, թարմացվում է դրանց տեսքը:
