Քաղաքականություն
03.08.2017 | 13:33ՀՀ տնտեսական զարգացման և ներդրումների փոխնախարար Գարեգին Մելքոնյանն այսօր կառավարության նիստից հետո լրագրողների հետ զրույցում անդրադարձավ «Մեղրի ազատ տնտեսական գոտի» փակ բաժնետիրական ընկերություն հիմնադրելու մասին որոշմանը՝ մանրամասն ներկայացնելով, թե ինչով է պայմանավորված նման ընկերության ստեղծումը:
Նշենք, որ Կառավարության այսօրվա նիստում հաստատվեց Տնտեսական զարգացման և ներդրումների նախարարության կողմից ներկայացված՝ «Մեղրի ազատ տնտեսական գոտի» փակ բաժնետիրական ընկերություն հիմնադրելու մասին որոշումը:
Ըստ փոխնախարարի՝ ընկերության ստեղծման նպատակն է նպաստել ազատ տնտեսական գոտու մեկնարկի արագացմանը, ազատ տնտեսական գոտու ներուժի առավելագույն լուսաբանմանը և օգտագործմանը, համաշխարհային գործարար հատվածի և օտարերկրյա ներդրումների ներգրավմանը։ Ընկերության ստեղծմամբ պետությունն իր կարողություններով կխթանի ազատ տնտեսական գոտու զարգացմանը։
Մանրամասները՝ տեսանյութում:
Շողիկ Գալստյան
