Հասարակություն
03.08.2017 | 13:18ՀՀ կառավարության այսօրվա նիստում հաստատվեց ծխելու դեմ պայքարի ռազմավարությունը: Նիստից հետո առողջապահության նախարար Լևոն Ալթունյանը լրագրողների հետ զրույցում հայտարարեց՝ նախագիծն ամբողջությամբ պատրաստ կլինի հոկտեմբեր- նոյեմբեր ամիսներին:
Factor.am-ի հարցին՝ տուգանք նախատեսվա՞ծ է, թե՞ նախարարը վերանայել է մոտեցումն այդ հարցում, Ալթունյանը պատասխանեց. «Ես իմ մոտեցումը չեմ փոխել, պարզապես հիմա մենք խոսում ենք գալիք օրենքների մասին, օրենքների մասին խոսելը առանց նրանց առակայության՝ չի կարելի»:
Ի դեպ, նախարարը շարունակում է կարծել, որ ծխողներն անհաջողակ են:
«Ես կարծում եմ, որ երիտասարդ սերունդ մեծացնելիս իրենց մոտ պետք է ձևավորել այդպիսի կարծիք»,- ասաց նախարարը՝ անդրադառնալով ծխողների՝ անհաջողակ լինելու մասին նախկինում արված իր հայտարարությանը:
Մանրամասները՝ տեսանյութում:
Շողիկ Գալստյան
