15.06.2026 | 18:19
Փամբակ գետում 15-ամյա աղջկա են որոնում // Նարիշկինը՝ ՌԴ-Հայաստան «բարիդրացիության» մասին․ ԼՈՒՐԵՐ
ԱՄՆ-ի հետ կրկնակի հարկումից խուսափելու պայմանագրի ստորագրումը մեզ համար առաջնահերթություն է․ ֆինանսների նախարար
Տնտեսություն
27.07.2017 | 13:44
ԱՄՆ-ի հետ կրկնակի հարկումից խուսափելու պայմանագրի ստորագրումը մշտապես գտնվել է ՀՀ ֆինանսների նախարարության օրակարգում: Այս մասին կառավարության նիստից հետո լրագրողների հետ զրույցում վստահեցրեց Ֆինանսների նախարար Վարդան Արամյանը:
«2008 թվականից, երբ ես տեղափոխվեցին Ֆինանսների նախարարություն, չեմ հիշում մեկ տարի, որ հայ-ամերիկյան միջկառավարական հանձնաժողովում այդ հարցը՝ որպես մեզ համար կարևորագույն հարց, դրված չլինի»,- վստահեցրեց Արամյանը:
Հիշեցնենք՝ ԱՄՆ-ի և Հայաստանի միջև կրկնակի հարկումից խուսափելու պայմանագրին օրերս անդրադարձել է նաև ԱՄՆ կոնգրեսական Բրեդ Շերմանը՝ նշելով, որ հայ-ամերիկյան տնտեսական գործընկերության զարգացման համար կարևոր դեր ունի երկու պետությունների միջև կրկնակի հարկումից խուսափելու պայմանագրի մշակումն ու ստորագրումը: Նա նաև կոչ է արել Պետքարտուղարության ներկայացուցիչներին հորդորել ԱՄՆ-ի ֆինանսների նախարարությանը` առաջնահերթության կարգով մշակել Հայաստանի հետ հարկային պայմանագիրը:
Factor.am-ի հարցրին՝ հնարավո՞ր է նշել, թե ինչ ժամկետներում Հայաստանի և ԱՄՆ-ի միջև կրկնակի հարկումից խուսափելու պայմանագիրը կստորագրվի, նախարարը պատասխանեց. «Բարդ է ասել, կարծում եմ՝ մենք մեր ամերիկյան գործընկերների հետ դեռևս աշխատանք ունենք տանելու, որովհետև այս հարցն ավելի քան 20 տարի է` քննարկվում է»:
Մանրամասները՝ տեսանյութում:
Շողիկ Գալստյան
