30.04.2026 | 12:10
Ադրբեջանով հացահատիկ է գալիս ՀՀ // «Խաղաղության խորհրդի» կանոնադրությունը հաստատվեց․ ԼՈՒՐԵՐ
Գուցե լա՞վ է, որ Հայաստանի դեմ ՄԻԵԴ ներկայացված դիմումների քանակը մեծ է. Արցախի ՄԻՊ
Քաղաքականություն
25.07.2017 | 13:41
Հայաստանի դեմ Մարդու իրավուքների եվրոպական դատարան ներկայացված դիմումների քանակական աճը, ըստ Արցախի մարդու իրավունքների պաշտպան Ռուբեն Մելիքյանի, պայմանավորված է մի քանի գործոններով:
«Ուրեմն մեր փաստաբանական համայնքը սկսել է ավելի պրոֆեսիոնալ աշխատել Եվրոպական դատարանի հետ, երբ մի քանի տարի առաջ Եվրոպական դատարանում ես էի զբաղվում այդ հարցերով, մենք շատ էինք կարևորում այդ ուղղությամբ տեղեկատվության մատչելիությունը: Մի բան պարզ է՝ Հայաստանի իրավական համայնքը շատ մեծ հարգանքով է վերաբերում Եվրոպական դատարանին, այսինքն՝ դա միայն բացասական առումով չգնահատենք, այլ գնահատենք որպես մեր փաստաբանների ուշադրության նշան»,- նշեց Արցախի ՄԻՊ-ը, ով նախկինում եղել է ՄԻԵԴ-ում ՀՀ ներկայացուցչի տեղակալը:
Հիշեցնենք՝ օրեր առաջ ՀՀ փաստաբանների պալատի անդամ Վահե Գրիգորյանն իր ֆեյսբուքյան էջում ներկայացրել է ՄԻԵԴ-ի հրապարակած` ըստ պետությունների ներկայացված դիմումների/բողոքների վիճակագրությունը: Ներկայացված վիճակագրության համաձայն՝ Հայաստանը Մարդու իրավունքների Եվրոպական կոնվենցիայի մասնակից և Եվրոպայի Խորհրդի անդամ 47 պետությունների շարքում զբաղեցնում է 9 տեղը` Հայաստանի դեմ ներկայացված և ՄԻԵԴ առջև լուծման սպասող բողոքների թվով՝ 1817 (01/07/2017թ.-ի դրությամբ):
Մանրամասները՝ տեսանյութում:
Շողիկ Գալստյան
