22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Նարեկ Կարապետյան, Արամ Վարդևանյան, Գոհար Մելոյան. հայտնի է «Ուժեղ Հայաստանի» ցուցակը գլխավորող եռյակը
Քաղաքականություն
08.04.2026 | 21:08
Քիչ առաջ Երևանի Ալեքսանդր հյուրանոցում տեղի է ունեցել «Ուժեղ Հայաստան» կուսակցության համագումարը, որտեղ որոշվել է ընտրական ցուցակը։ Factor.am-ին հայտնի դարձավ, որ առաջին եռյակում են Նարեկ Կարապետյանը, Արամ Վարդևանյանը և Գոհար Մելոյանը։
Այս տեղեկությունը փորձեցինք ճշտել կուսակցության մամուլի խոսնակ Մարիաննա Ղահրամանյանից, սակայն նա դեռ մեր զանգին չի պատասխանել։
Իսկ Արամ Վարդևանյանը Factor.am-ի հետ զրույցում ասաց, որ թեման չի մեկնաբանում, կխոսի վաղը։
Կուսակցության խորհրդի անդամ Ալեքսան Ալեքսանյանն էլ փոխանցեց, որ այս պահին ոչինչ ասել չի կարող, պաշտոնական հրապարակում կարվի։
Այսպիսով` ստացվում է կուսակցության վարչապետի թեկնածուն Նարեկ Կարապետյանն է, ոչ թե Սամվել Կարապետյանը։ Նա, ի դեպ, ՀՀ-ում առաջադրվելու իրավունք չունի, օրենսդրական արգելանք կա` այլ երկրների քաղաքացի լինելու հանգամանքով:
Լրացում. Քիչ առաջ Factor.am-ի հետ կապ հաստատեց «Ուժեղ Հայաստան» կուսակցության մամուլի խոսնակ Մարիաննա Ղահրամանյանը` հաստատելով մեր հրապարակած տեղեկութկունը։ Նա, միաժամանակ, նշեց, որ կուսակցության վարչապետի թեկնածուն Սամվել Կարապետյանն է։
Դիտարկմանը, որ անգամ եթե «Ուժեղ Հայաստանը» ընտրություններում հաղթի եւ մեծամասնություն կազմի, չեն կարող Սամվել Կարապետյանին առաջադրել` պայմանավորված այլ երկրի քաղաքացի լինելու հանգամանքով, խոսնակն ասաց, որ մյուս հարցերին կանդրադառնան հաջորդիվ։
Նարեկ Կիրակոսյան
