26.10.2026 | 11:41
Կենսաբազմազանության կորուստը նաև տնտեսական և պարենային անվտանգության խնդիր է․ Վահան Կոստանյան
ԱՄՆ-Իրան հրադադարի հայտարարումից հետո նավթի գները կտրուկ նվազել են
Տնտեսություն
08.04.2026 | 13:39
ԱՄՆ-ի և Իրանի միջև հրադադարի մասին Դոնալդ Թրամփի հայտարարությունից հետո Brent տեսակի նավթի գինը իջել է մեկ բարելի համար 100 դոլարից ցածր, գրում է Meduza-ն։
Ապրիլի 7-ին նավթի գինը տատանվում էր մեկ բարելի համար 107-110 դոլարի սահմաններում, սակայն լույս ապրիլի 8-ի գիշերը սկսեց կտրուկ անկում ապրել։ Առավոտյան Լոնդոնի ICE բորսայում Brent տեսակի նավթի մեկ բարելը վաճառվում էր 93-94 դոլարով։ Ամերիկյան WTI տեսակի նավթի գինը նվազել է մինչև 96,75 դոլար մեկ բարելի համար, ինչը կազմում է գրեթե 16% անկում։
Նշվում է, որ ապրիլի 8-ի առավոտյան ԱՄՆ-ի և Իրանի միջև հրադադարի ֆոնին ռուսական նավթագազային ընկերությունների բաժնետոմսերը սկսել են իրենց առևտուրը անկմամբ։
Ամենամեծ անկումը գրանցել են «Ռոսնեֆտը» (-7.2%), «Տատնեֆտը» (-6.6%), «Լուկոյլը» (-4.3%) և «Նովատեկը» (-4%): «Սովկոմֆլոտը» (-3.1%), «Գազպրոմը» (-2.4%), «Ռուսալը» (-1.7%) և «Սուրգութնեֆտեգազը» (-1.6%) նույնպես անկում են ապրել:
ԱՄՆ նախագահ Դոնալդ Թրամփը հայտարարել էր, որ Միացյալ Նահանգները երկու շաբաթով կդադարեցնի Իրանի ռմբակոծությունը՝ պայմանով, որ անմիջապես բացվի Հորմուզի նեղուցը: Իրանի իշխանությունները հաստատել են հրադադարի վերաբերյալ իրենց համաձայնությունը:
Թարգմանությունը`Էմմա Չոբանյանի
