26.10.2026 | 10:50
Այո՛, փաթեթը մշակվել է Աննա Հակոբյանի արշավի շրջանակներում․ ՆԳ նախարարը ներկայացրեց նախագիծը․ ՏԵՍԱՆՅՈՒԹ
ՌԴ-ում մտադիր են չեղարկել «Պռոշյանի կոնյակի գործարանի» լիցենզիան
Տնտեսություն
07.04.2026 | 23:38
ՌԴ Ալկոհոլի և ծխախոտի շուկաների վերահսկողության դաշնային ծառայությունը ստուգում է անցկացրել «Պռոշյանի կոնյակի գործարանի» նկատմամբ և, իբր, հայտնաբերել խախտումներ: Այս մասին հաղորդվում է գործակալության պաշտոնական կայքում տեղադրված հայտարարության մեջ, գրում է Lenta-ն։
Նշվում է, որ բաց աղբյուրների համաձայն ընկերության գլխավոր տնօրենը Աշոտ Բադալյանն է։
Հաղորդվում է, որ ստուգման ընթացքում հավաքվել են կազմակերպության կողմից Ռուսաստանի Դաշնություն ներմուծված կոնյակի նմուշներ: Կոնյակը լաբորատոր փորձարկվել է և պարզվել է, որ այն չի համապատասխանում ԳՕՍՏ չափանիշներին։ Ըստ պաշտոնական պարզաբանման՝ արտադրանքը պարունակում է սպիրտ ոչ խաղողի ծագմամբ, և դրա բաղադրությունը չի համապատասխանում նշված անվանմանը։
«Նշված խախտումները հիմք հանդիսացան Ծառայության կողմից լիցենզիան չեղյալ համարելու և դրա գործողությունը կասեցնելու վերաբերյալ դատական հայց ներկայացնելու որոշման համար», – ասվում է հայտարարության մեջ։
Նշվում է, որ լիցենզիայի չեղարկման հարցը քննարկվում է Արբիտրաժային դատարանում։
Հավելենք, որ ավելի վաղ «Ռոսսելխոզնադզոր»-ի ղեկավարը հայտարարել էր «Հայաստանից ներմուծվող ապրանքների վերաբերյալ շարունակական բողոքների մասին»։
Թարգմանությունը`Էմմա Չոբանյանի
