Իրանի հարավում 4,5 մագնիտուդ ուժգնությամբ երկրաշարժ է գրանցվել, որի էպիկենտրոնը գտնվել է նավահանգստային Բանդար-Աբբաս քաղաքից 161 կմ հեռավորության վրա։ «Արմենպրես»-ի հաղորդմամբ՝ այս մասին հայտնում է Իրանի սեյսմոլոգիական կենտրոնի մամուլի ծառայությունը՝ հավելելով, որ ավելի վաղ ստորգետնյա ցնցումներ են գրանցվել քաղաքից ոչ հեռու։ Կենտրոնի տվյալներով՝ ստորգետնյա ցնցումները գտնվել են 10 կմ խորության վրա: Տուժածների և ավերածությունների մասին …

Կանադայի վարչապետ Ջասթին Թրյուդոն շուտով կարող է հայտարարել իշխող Լիբերալ կուսակցության նախագահի պաշտոնից հեռանալու մասին։ Այս մասին կանադական Globe and Mail թերթին հայտնել են անանուն աղբյուրները։ Հստակ օրը հայտնի չէ, սակայն ենթադրվում է, որ դա տեղի կունենա ղեկավարության հետ կուսակցության ակտիվիստների հանդիպմանը, որը նախատեսված է հունվարի 8-ին։ «Պարոն Թրյուդոն կարող է հայտարարել կուսակցության ղեկավարի պաշտոնից …

ՀՀ-ում Ֆրանսիայի դեսպան Օլիվյե Դըկոնտինյին X -ի իր միկրոբլոգում գրառում է արել ու շնորհավորել Սուրբ Ծնունդը, որն Առաքելական եկեղեցին նշում է այսօր՝ հունվարի 6-ին։ «Շնորհավոր Սուրբ Ծնունդ, մտքերս Լեռնային Ղարաբաղից եկած փախստականների հետ են, որոնք այս տարի ևս նշում են այս տոնը իրենց տներից հեռու»,- գրել է դեսպանը։

Ադրբեջանի ՊՆ հաղորդագրությունը, թե իբր հունվարի 5-ին՝ ժամը 22։00-22։10-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը․ տեղեկացնում են ՀՀ ՊՆ-ից։ Հիշեցնենք, որ Հայաստանի Հանրապետության վարչապետի աշխատակազմն առաջարկել էր հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս …

ԱՄՆ պետքարտուղար Էնթոնի Բլինքենը հայտարարել է, որ, ըստ Վաշինգտոնի, Մոսկվան ընդլայնում է համագործակցությունը Փհենյանի հետ տիեզերական ոլորտում, գրում է BBC-ի ռուսական ծառայությունը։ «ԿԺԴՀ-ն արդեն ստանում է ռուսական զինտեխնիկա և ուսուցում։ Այժմ մենք հիմքեր ունենք ենթադրելու, որ Մոսկվան մտադիր է Փհենյանի հետ կիսել առաջադեմ տիեզերական և արբանյակային տեխնոլոգիաները»,- ասել է Բլինքենը Սեուլում կայացած մամուլի ասուլիսում, որտեղ …

Արագածոտնի մարզում հիմնանորոգվել է Թաթուլ-Կանչ-Հակո մոտ 12կմ երկարությամբ ճանապարհը։ Մի քանի տասնամյակ ճանապարհը չէր նորոգվել ու անանցանելի էր դարձել։ Նորոգված ճանապարհը միմյանց է կապում մարզի մի քանի գյուղեր։ Կարևոր այս ենթակառուցվածքի բարելավումը, տեղի բնակիչների խոսքով, իրենց համար լուծում է սոցիալական և տնտեսական մի շարք խնդիրներ։ Այդ մասին հայտնում են «Ճանապարհային դեպարտամենտ» հիմնադրամից: Հիմնանորոգումը կատարվել է …

Թուրքիայի Մուղլա նահանգում 4 մագնիտուդ ուժգնությամբ երկրաշարժ է տեղի ունեցել, հայտնում են թուրքական լրատվամիջոցները։ Օջախը գտնվել է 7 կմ խորության վրա։ Ցնցումները զգացվել են նաև հարևան նահանգներում: Զոհերի և ավերածությունների մասին տեղեկություններ չկան։

Ռուսաստանի Դաշնության զինված ուժերի «Հարավային» զորքերի ստորաբաժանումները վերահսկողության տակ են վերցրել Դոնբասի Կուրախովո քաղաքը: «Արմենպրես»-ի փոխանցմամբ՝ այս մասին հայտնում է ՌԴ պաշտպանության նախարարությունը: Գերատեսչության փոխանցմամբ՝ Կուրախովո քաղաքը հանդիսանում է Դոնբասի հարավ-արևմտյան հատվածի ամենաբնակեցված քաղաքը:  

Ձմեռային տրանսֆերային պատուհանն արդեն մի քանի օր է, ինչ բացվել է։ Առաջարկում ենք ծանոթանալ արդեն կայացած մի շարք կարևոր տրանսֆերներին. գրում է armsport-ը։ ✅ Հայաստանի ազգային հավաքականի ֆուտբոլիստ Սարգիս Ադամյանը վերադարձել է գերմանական «Յան Ռեգենսբուրգ» ակումբ, որտեղ հանդես է եկել 2017-19 թվականներին: Ադամյանը «Քյոլնից» վարձավճարով է տեղափոխվել իր նախկին ակումբ: Նրա պայմանագիրը գերմանական երկրորդ Բունդեսլիգայում …

Ներկայացնում ենք Երևանում գործող փոխանակման կետերում գնվող և վաճառվող արտարժույթների փոխարժեքները հունվարի 6-ի դրությամբ՝ ըստ rate.am-ի: Դոլարը գնվում է 393 դրամով, վաճառվում՝ 399-ով, Եվրոն գնվում է 402 դրամով, վաճառվում՝ 419-ով, Ռուսական ռուբլին գնվում է 3,45 դրամով, վաճառվում է 4,01-ով։