27.10.2026 | 00:08
Վարդան Մինասյանն աշխատանքի է անցել Լիբանանում
«Կանազ» մշակույթի տունը կվերակառուցվի՝ դառնալով STEAM կրթական կենտրոն․ խոսնակ
26.03.2026 | 17:10
Դատարանի որոշմամբ համայնքին վերադարձված «Կանազ» մշակույթի տունը նախատեսվում է վերականգնել և վերապրոֆիլավորել՝ պահպանելով ճարտարապետական դիմագիծը․ այս մասին գրառմամբ տեղեկացրել է Երևանի քաղաքապետի խոսնակ Արտյոմ Կարապետյանը։ Նշվում է, որ նոր նախագծով այն կդառնա ժամանակակից STEAM կրթական հարթակ՝ ուղղված երեխաների գիտական և մշակութային զարգացմանը։
««Կանազ» մշակույթի տունը, դատարանի որոշմամբ, 2024-ին էր վերադարձվել Երևան համայնքին: Մինչև այդ, շենքը 2017-ից մասնավորի ձեռքում էր՝ «Արվեստի այբուբեն» մշակույթի հիմնադրամի, որը 10 տարվա ընթացքում խոստացված 480 մլն դրամի ներդրում չէր արել և շենքը հայտնվել էր, մեղմ ասած, անմխիթար վիճակում:
Համայնքային սեփականության իրավունքի վերակագնումից հետո մշակույթի տանը վերակառուցման աշխատանքեր դեռ չէին սկսվել և պարբերաբար շենք էին ներխուժում կարգազանցներ, կոտրում փականները, վնաս հասցնում շենքին, ինչից հետո դռները նորից կողպվում էին: Բարեբախտաբար, շենքի ճակատային հատվածը հրդեհի հետևանքով չի տուժել, այրվել և վնասվել է հիմնականում տանիքն ու ներքին հարդարանքը:
Նոր նախագծով, վթարային շենքը վերականգնվելու էր և վերապրոֆիլավորվելու. պահպանվելու է կառույցի ճարտարապետական դիմագիծը, առաքելությունը մնալու է նույնը՝ այն կրթական հարթակ, որը հարյուրավոր երեխաների վերադարձնելու է մշակութային ու գիտական ժամանակակից ու ավելի ընդգրկուն ուսումնական տարածք: Նոր կոնցեպտի հիմքում «STEAM» կենտրոնի ստեղծման գաղափարն է, որը բազմաֆունկցիոնալ հարթակ է՝ գիտության, տեխնոլոգիայի, ճարտարագիտության, արվեստի ու մաթեմատիկայի համադրությամբ»,- գրել է Կարապետյանը։
Նախօրեին տեղեկացրել էինք, որ հրդեհ է բռնկվել «Կանազ» մշակույթի տանը։
