Բրազիլական «Սանթոսի» հարձակվող Նեյմարն արձագանքել է Բրազիլիայի հավաքական չհրավիրվելուն։
«Իհարկե, կա հիասթափություն ու տխրություն, որ չեմ հրավիրվել հավաքական, բայց ես կշարունակեմ աշխատել ամեն օր, մարզումից մարզում, հանդիպումից հանդիպում։ Պահպանում եմ կենտրոնացումը։ Մենք կհասնենք մեր նպատակին։ Աշխարհի առաջնության համար վերջնական կազմը դեռ առջևում է»,- Նեյմարի խոսքը մեջբերում է Footmercato-ն։
Բրազիլիայի հավաքականը շուտով կսկսի պատրաստվել Ֆրանսիայի (մարտի 26) և Խորվաթիայի (մարտի 31) դեմ ընկերական հանդիպումներին։
Նեյմարը Բրազիլիայի հավաքականի պատմության լավագույն ռմբարկուն է։ 34-ամյա ֆուտբոլիստը 2010 թվականին է նորամուտը նշել ազգային թիմում, որի կազմում անցկացրել է 128 հանդիպում ու խփել 79 գոլ։
