Անչելոտին հրապարակել է Բրազիլիայի հավաքականի կազմը և հայտնել Նեյմարի բացակայության պատճառը

Ֆուտբոլի Բրազիլիայի հավաքականի գլխավոր մարզիչ Կառլո Անչելոտին հրապարակել է թիմի կազմը Ֆրանսիայի (մարտի 26) և Խորվաթիայի (մարտի 31) դեմ ընկերական հանդիպումների համար, հաղորդում է ESPN-ը։

Ցուցակից բացակայում է բրազիլական «Սանթոսի» հարձակվող Նեյմարը։ Իտալացի մասնագետը բացատրել է, թե ինչու 34-ամյա ֆուտբոլիստը չի հրավիրվել հավաքական։

«Նեյմարը կարող է մասնակցել աշխարհի առաջնությանը, եթե պատրաստ լինի 100 տոկոսով։ Նա չի ընդգրկվել հայտացուցակում, քանի որ լավագույն մարզավիճակում չէ։ Նեյմարը պետք է շարունակի աշխատել ու ցուցադրել իր որակները և լինի լավ մարզավիճակում»,- ասել է Կառլո Անչելոտին։

Բրազիլիայի հավաքական են հրավիրվել հետևյալ ֆուտբոլիստները․

Դարպասապահներ․ Ալիսոն Բեքեր («Լիվերպուլ»), Բենտո («Ալ Նասր»), Էդերսոն («Ֆեներբահչե»)։

Պաշտպաններ․ Ալեքս Սանդրո («Ֆլամենգո»), Բրեմեր («Յուվենտուս»), Դանիլո («Ֆլամենգո»), Դուգլաս Սանթոս («Զենիթ»), Գաբրիել Մագալյանս («Արսենալ»), Ռոժեր Իբանիես («Ալ Ահլի»), Լեո Պերեյրա («Ֆլամենգո»), Մարկինյոս (ՊՍԺ), Ուեսլի Ֆրանսա («Ռոմա»)։

Կիսապաշտպաններ․ Անդրեյ Սանթոս («Չելսի»), Կազեմիրո («Մանչեսթեր Յունայթեդ»), Դանիլո («Բոտաֆոգո»), Ֆաբինյո («Ալ Իթիհադ»), Գաբրիել Սառա («Գալաթասարայ»)։

Հարձակվողներ․ Էնդրիկ («Լիոն»), Գաբրիել Մարտինելի («Արսենալ»), Իգոր Տիագո («Բրենթֆորդ»), Լուիս Էնրիկե («Զենիթ»), Մատեուս Կունյա («Մանչեսթեր Յունայթեդ»), Ռաֆինյա («Բարսելոնա»), Ռայան («Բորնմութ»), Վինիսիուս Ժունիոր («Ռեալ»), Ժոաո Պեդրո («Չելսի»)։