16.05.2026 | 16:44
Գործազուրկ, բայց խոշոր եկամուտով. ինչ է հայտարարագրել Հայկ Մարությանը
Զախարովան հայտարարել է, թե Երևանը հրաժարվել է արցախցիների համար ռուսական կողմի օգնությունից
Քաղաքականություն
12.03.2026 | 17:15
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում հայտարարել է, թե Երևանը հրաժարվել է Արցախից բռնի տեղահանվածների համար ռուսական կողմի օգնությունից։
«Եվրասիա» կազմակերպության, «Ռուսական մարդասիրական առաքելության», Ռոսսոտրուդնիչեստվոյի միջոցով անցյալ տարի Հայաստանում սկսված արշավի շրջանակում, Զախարովայի պնդմամբ, 7000 արցախցիներ մարդասիրական օգնություն են ստացել։ Ըստ նրա՝ որպես պատճառ նշվել է, որ «ՀՀ իրավական նորմերը սահմանափակում են նվիրատվությունների, ինչպես նաև բարեգործական օգնության տրամադրումը նախընտրական շրջանում»։
Հարցի շուրջ Factor TV-ն մեկնաբանություն է խնդրել ՀՀ ԱԳ նախարարությունից։ Այն կներկայացնենք ստանալուն պես։
Թարգմանությունը՝ Էմմա Չոբանյանի
