27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Արման Ծառուկյանը նոր մրցակից ունի գրեփլինգի մենամարտում
09.03.2026 | 16:43
UFC-ի թեթև քաշային կարգի դասակարգման երկրորդ համար Արման Ծառուկյանի մրցակիցը փոխվել է մարտի 11-ին Ռիո դե Ժանեյրոյում կայանալիք HYPE FC Brazil մրցաշարում, հաղորդում է HYPE-ի մամուլի ծառայությունը։
Ծառուկյանը գրեփլինգի կանոններով 10 րոպե տևողությամբ մենամարտ կանցկացնի Մեծ Բրիտանիան ներկայացնող դաղստանցի Մուհամադ Մոկաևի հետ։ 25-ամյա Մոկաևը խառը մենամարտերում անցկացրել է 15 մենամարտ ու տարել նույնքան հաղթանակ։
HYPE FC Brazil-ում Արման Ծառուկյանը պետք է մրցեր ամերիկացի ըմբիշ ու բլոգեր Ջորջիո Պուլասի հետ, որի դեմ մարտի 28-ին ռևանշ մենամարտ է անցկացնելու RAF (Real American Wrestling) ազատ ոճի ըմբշամարտի լիգայում։
Հայաստանի ներկայացուցիչը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
