06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
RAF-ը հաստատել է Արման Ծառուկյանի և Ջորջիո Պուլասի ռևանշ մենամարտը
07.03.2026 | 11:36
UFC-ի թեթև քաշային կարգի դասակարգման երկրորդ համար Արման Ծառուկյանի և ամերիկացի ըմբիշ ու բլոգեր Ջորջիո Պուլասի ռևանշ մենամարտը կկայանա RAF (Real American Wrestling) լիգայում, հաղորդում է կազմակերպության մամուլի ծառայությունը։
Ծառուկյանը և Պուլասն ազատ ոճի ըմբշամարտի կանոններով կմրցեն մարտի 28-ին ԱՄՆ-ի Ֆլորիդա նահանգի Տամպա քաղաքում կայանալիք RAF 07 մրցաշարում։ Մենամարտը կկայանա միջին քաշային կարգում (79 կգ)։
Ծառուկյանի ու Պուլասի գրեփլինգի կանոններով հանդիպումը տեղի չի ունենա մարտի 11-ին Ռիո դե Ժանեյրոյում կայանալիք HYPE FC Brazil մրցաշարում։ Հայ մարտիկը տեսաուղերձով հայտնել է, որ Բրազիլիա կմեկնի այն դեպքում, եթե կազմակերպիչները հանրահայտ մրցակից գտնեն իր համար։
Հիշեցնենք, որ Արման Ծառուկյանը և Ջորջիո Պուլասը մարտի 1-ին ազատ ոճի ըմբշամարտի մենամարտ էին անցկացրել RAF 06 մրցաշարում։ Հայ մարտիկը հաղթել էր 5։3 հաշվով, իսկ եզրափակիչ ազդանշանից անմիջապես հետո հարվածել էր հատակին հայտնված մրցակցին, ինչից հետո սկսվել էր զանգվածային բախում։
29-ամյա Ծառուկյանը RAF-ում առաջին մենամարտն անցկացրել էր հունվարի 10-ին՝ ժամկետից շուտ 10։0 հաշվով հաղթելով 38-ամյա ամերիկացի Լենս Փալմերին։ Հայաստանի ներկայացուցիչը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
