18.08.2026 | 12:42
Ըստ ՆԳ փոխնախարարի՝ վերջին 2,5 տարում ՃՏՊ-ների հետևանքով զոհերի թիվը նվազել է․ ՏԵՍԱՆՅՈՒԹ
Բահրեյնի իշխանությունները հաստատել են, որ իրանական հրթիռը հարվածել է նավթավերամշակման գործարանին
Քաղաքականություն
05.03.2026 | 23:35
Բահրեյնի իշխանությունները պաշտոնապես հաստատել են, որ իրանական հրթիռը հարվածել է Բահրեյնի պետական Bapco Energies ընկերության նավթավերամշակման գործարանին։
«Իրանական հրթիռի հարվածից հետո Bapco Energies ընկերության նավթավերամշակման գործարանի բլոկներից մեկում հրդեհ է բռնկվել։ Կրակի տարածումը ամբողջությամբ կասեցվել է […] Վիրավորների մասին տեղեկություններ չկան, գործարանը շարունակում է աշխատել»,- BBC-ի ռուսական ծառայության փոխանցմամբ՝ ասվում է Բահրեյնի կառավարական հաղորդակցության կենտրոնի հայտարարությունում։
Ավելի վաղ Բահրեյնի ներքին գործերի նախարարությունը հայտնել էր, որ Իրանը հարված է հասցրել Սիտրա կղզու Մաամեր արդյունաբերական գոտուն, որտեղ գտնվում է Bapco-ի գործարանը, սակայն չէր հստակեցրել, թե արդյունաբերական գոտու ձեռնարկություններից կոնկրետ որին է դիպել հրթիռը։
Միաժամանակ սոցիալական ցանցերում հայտնվել են հարվածի և հրդեհի տեսանյութեր։ Reuters գործակալությունը տեղորոշել է այդ կադրերը և պարզել, որ պայթյունն ու հրդեհը տեղի են ունեցել հենց նավթավերամշակման գործարանում։
