18.08.2026 | 10:23
Արտարժույթների փոխարժեքները՝ օգոստոսի 18-ի դրությամբ
Ադրբեջանը 12 ժամով փակում է Իրանի մոտ իր օդային տարածքը, դադարեցնում սահմանին բեռնատարների երթևեկությունը
Քաղաքականություն
05.03.2026 | 20:04
Նախիջևանի օդանավակայանի վրա իրանական անօդաչու թռչող սարքերի հարձակումից հետո Ադրբեջանը որոշել է փակել երկրի հարավում օդային տարածքը՝ «օպերատիվ պատճառներով»։ Այս մասին հայտնում է Reuters-ը՝ հղում անելով օդաչուներին ուղղված համապատասխան ծանուցմանը (NOTAM), գրում է Current time-ը:
Բացի այդ, Ադրբեջանի նախարարների կաբինետը հայտարարել է Իրանի հետ պետական սահմանով բեռնատար մեքենաների տեղաշարժը դադարեցնելու որոշման մասին։
«Հաշվի առնելով [Նախիջևանի վրա] հարձակումների հետևանքով ստեղծված իրավիճակը, որոնք հակասում են միջազգային իրավունքի նորմերին և սկզբունքներին, Նախարարների կաբինետը համապատասխան որոշում է կայացրել՝ ամբողջությամբ դադարեցնել բեռնատարների (ներառյալ՝ տարանցիկ բեռների) տեղաշարժը ադրբեջանա-իրանական պետական սահմանի բոլոր անցակետերով»,- ասվում է հայտարարությունում։
Նշվում է նաև, որ մարտի 5-ին Նախիջևանի Ինքնավար Հանրապետության վրա անօդաչու թռչող սարքերի կիրառմամբ հարձակումներ են իրականացվել Իրանի տարածքից՝ թիրախավորելով քաղաքացիական ենթակառուցվածքները։
Ավելի վաղ Ադրբեջանի նախագահ Իլհամ Ալիևը երկրի վրա անօդաչու թռչող սարքերի հարվածները որակել էր որպես ահաբեկչական հարձակում և պահանջել Իրանից՝ ներողություն խնդրել։
Թարգմանությունը՝ Էմմա Չոբանյանի
