17.08.2026 | 23:08
Զորականում և Ամասիայում շչակներ են փորձարկվելու
Իսրայելի ԱԳՆ-ն դատապարտել է Ադրբեջանի դեմ «Իրանի ագրեսիան»
Քաղաքականություն
05.03.2026 | 21:12
Ադրբեջանի և Իսրայելի արտաքին գործերի նախարարները հեռախոսազրույց են ունեցել։ Այս մասին X-ում հայտնել է Իսրայելի ԱԳ նախարար Գիդեոն Սաարը։
«Խոսեցի Ադրբեջանի արտգործնախարար Ջեյհուն Բայրամովի հետ։ Ես դատապարտեցի Իրանի կողմից Ադրբեջանի դեմ ուղղված բացահայտ և միտումնավոր ագրեսիան։ Այս ագրեսիան Ադրբեջանի և տարածաշրջանի այլ երկրների դեմ բացարձակապես անընդունելի է ու ևս մեկ անգամ ապացուցում է, որ իրանական ռեժիմը խելագար է և անզուսպ»,- գրել է իսրայելցի պաշտոնյան։
Նա նշել է, որ Իսրայելը վճռականորեն է տրամադրված շարունակել ռազմական գործողությունները՝ մինչև իր նպատակներին հասնելը։
Նշենք, որ ավելի վաղ Բայրամովը հեռախոսազրույց էր ունեցել Իրանի ԱԳ նախարար Աբբաս Արաղչիի հետ։
Ադրբեջանի նախագահ Իլհամ Ալիևն էլ Նախիջևանին ԱԹՍ-ների հարվածի մեջ մեղադրել էր Իրանին ու այն անվանել «ահաբեկչական գործողություն»։
Թարգմանությունը՝ Էմմա Չոբանյանի
