03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Թեհրանը հայտարարել է, որ հարվածներ է հասցրել «անջատողական խմբավորումներին»՝ հակամարտությանը քրդերի ներգրավվածության մասին լուրերի ֆոնին
Քաղաքականություն
05.03.2026 | 19:26
Իրանի հետախուզության նախարարությունը հայտարարել է, որ հարվածներ է հասցրել «անջատողական խմբերի» դիրքերին, որոնք փորձել են ներթափանցել երկրի արևմտյան սահմաններով՝ պնդելով, որ այդ խմբերը մեծ կորուստներ են կրել, գրում է BBC-ի ռուսական ծառայությունը։
Reuters-ի երեք աղբյուրների պնդմամբ՝ վերջին օրերին քրդական աշխարհազորայինները խորհրդակցություններ են անցկացրել Միացյալ Նահանգների հետ՝ արևմտյան Իրանում իրանական անվտանգության ուժերի վրա հարձակվելու և դրա եղանակի վերաբերյալ։
The New York Times-ը նախկինում հաղորդել էր, որ Իրաքում տեղակայված ԱՄՆ-ի կողմից աջակցվող քրդական ուժերը մարզում են զինված ստորաբաժանումներ, որոնք կարող են ներխուժել Իրան, հնարավոր է՝ նոր ճակատ ստեղծելով։
Թուրքիան հայտարարել է, որ ուշադիր հետևում է իրանական քրդական PJAK զինյալ խմբավորման գործողություններին՝ հավելելով, որ նրանց գործողությունները սպառնում են Իրանի անվտանգությանն ու տարածաշրջանային կայունությանը, Իրանի քրդական աշխարհազորայինների և ԱՄՆ-ի միջև Իրանի դեմ ԱՄՆ-ի ու Իսրայելի պատերազմի վերաբերյալ քննարկումների մասին հաղորդագրությունների ֆոնին։
Թարգմանությունը՝ Էմմա Չոբանյանի
