23.02.2026 | 20:49
Հունգարիան վետո է դրել ՌԴ-ի դեմ ԵՄ-ի նոր պատժամիջոցների և Ուկրաինային վարկ տրամադրելու որոշման վրա
Ամսական 42 միլիոն դրամ է մտնում Երևանի բյուջե՝ ավտոմատ ինքնասպասարկող սարքերից․ քաղաքապետ․ ՏԵՍԱՆՅՈՒԹ
Տնտեսություն
23.02.2026 | 11:44
Երևանի քաղաքապետարանի Առևտրի ծառայությունների և գովազդի վարչության պետ Արմեն Առաքելյանը խորհրդակցության ընթացքում հայտնեց, որ 2025 թվականին gis.yerevan.am համակարգում հաշվառված էր առանց թույլտվության 961 ավտոմատ ինքնասպասարկող սարքավորում, իսկ այս տարի դրանց թիվը նվազել է և կազմել 468 սարքավորում։
Քաղաքապետ Տիգրան Ավինյանը նշեց, որ եթե մարտ ամսվա ընթացքում խնդիրը վերջնականապես չլուծվի, ապա կանցնեն կոնկրետ քայլերի։
«Պետք է խնդրեմ պարոն Բաբայանը (հասարակական կարգի պահպանության ծառայության պետի պաշտոնակատար) իր թիմով գնա և հավաքի էդ բոլոր սարքավորումները, առգրավի ու տանի մի տեղ պահի»,- հանձնարարեց Տիգրան Ավինյանը։
Քաղաքապետը նաև հայտնեց, որ այս պահին Երևանում գրանցված է 2202 ավտոմատ սարքավորում, որոնցից քաղաքային բյուջեն ամսական ստանում է 42 միլիոն 358 հազար դրամ եկամուտ։
Մանրամասները՝ տեսանյութում։
