27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Աջափնյակի մետրոյի կայարանի հատվածում բիզնես կենտրոն կլինի, որը կմեղմի կառուցման ծախսերը․ Ավինյան․ ՏԵՍԱՆՅՈՒԹ
Տնտեսություն
23.02.2026 | 11:17
«Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի տնօրեն Անետա Բաբայանը քաղաքապետարանի գործակարգավարական խորհրդակցությանը հայտնեց, որ Աջափնյակ վարչական շրջանում քաղաքաշինական ներդրումային ծրագրի երկփուլ մրցույթը կայացել է։
«Նախաորակավորման փուլում մասնակցել են յոթ միջազգային և տեղական ընկերություններ, որոնցից երկուսն արդեն որակավորվել և ստացել են ամբողջական առաջարկներ ներկայացնելու հրավեր»,- ասաց Բաբայանը։
Ըստ նրա՝ առաջարկների ներկայացման վերջնաժամկետը մարտի 3-ն է, որից հետո կկատարվի տեխնիկական առաջադրանքի վերջնական ձևակերպում, կանցկացվեն բանակցություններ և կկնքվի պայմանագիր։ Նախատեսվում է, որ աշխատանքները կմեկնարկեն հունիսի կեսերից։
Անետա Բաբայանի խոսքով՝ ընկերությունները պետք է ներկայացնեն Աջափնյակի մետրոյի կայարանի հարակից տարածքի հայեցակարգային լուծումներ ինչպես քաղաքաշինական բովանդակությամբ, այնպես էլ՝ ներդրումային ծրագրի բիզնես մոդելի մշակմամբ։
Տիգրան Ավինյանը նշեց, որ ծրագրի հիմնական տրամաբանությունն այն է, որ մետրոյի կայարանի տարածքում ձևավորվի բիզնես կենտրոն կամ այլ ներդրումային լուծում, որը ֆինանսապես կենսունակ կլինի և կօգնի մեղմել կայարանի կառուցման ծախսերը։
Մանրամասները՝ տեսանյութում։
