23.02.2026 | 13:37
Ուկրաինական ԱԹՍ-ները Թաթարստանում հարվածել են նավթի կայանի
Այս շաբաթ բոլոր փողոցները ավազի մնացորդներից մաքրված կլինեն․ Ավինյան․ ՏԵՍԱՆՅՈՒԹ
Տնտեսություն
23.02.2026 | 10:45
«Մայրաքաղաքում 24/7 գրաֆիկով սպասարկվել է շուրջ 11 500 աղբաման, ինչպես նաև ամենօրյա ռեժիմով՝ վարձակալական հիմունքներով տրամադրված ևս 204 աղբաման»,- քաղաքապետարանի գործակարգավարական նիստին զեկուցեց Երևանի աղբահանություն և սանիտարական մաքրում հիմնարկի տնօրեն Սաշա Կատվալյանը։
«Փողոցների մաքրությունն իրականացվել է վեցօրյա գրաֆիկով, երկու հերթափոխով, որին ներգրավված է եղել 307 սանմաքրման աշխատակից, ինչը կազմում է գրանցված աշխատակիցների 92 տոկոսը։ Մնացած 8 տոկոսը գտնվել է ժամանակավոր անաշխատունակության մեջ կամ արձակուրդում։ Փողոցների մաքրությունն իրականացվել է «Բելառուս» տեսակի 6, «Քաթ» տեսակի 2 տրակտորներով և 7 ինքնաթափ մեքենաներով, ինչպես նաև «Կերխեր» փոշեկուլ մեքենաներով 430 կմ տարածք է մաքրվել, իսկ «Կամազ» փոշեկուլներով՝ 438 կմ տարածք: 15 ջրցան մեքենաներ վերապրոֆիլավորվել են արդեն և սկսել են իրականացնել մայրաքաղաքի փողոցների լվացման աշխատանքներ»,- քաղաքապետին զեկուցեց Կատվալյանը։
Տիգրան Ավինյանն էլ հավելեց, որ այս շաբաթվա ընթացքում Երևանի փողոցները մաքրված կլինեն ավազի մնացորդներից։
Մանրամասները՝ տեսանյութում։
