26.04.2026 | 13:38
ՃՏՊ Գեղամասար բնակավայրում․ կա տուժած
Գերմանիայի կանցլեր Ֆրիդրիխ Մերցը վերընտրվել է Քրիստոնեա-դեմոկրատական միության ղեկավարի պաշտոնում
Քաղաքականություն
21.02.2026 | 13:52
Շտուտգարտում կայացած Քրիստոնեա-դեմոկրատական միության համագումարում Գերմանիայի կանցլեր Ֆրիդրիխ Մերցը վերընտրվել է կուսակցության ղեկավարի պաշտոնում։ Համագումարի պատվիրակների քվեարկության ժամանակ նա ստացել է քվեների 91.17 տոկոսի աջակցությունը: Այդ մասին տեղեկացնում է «Արմենպրես»-ը՝ վկայակոչելով Deursche Welle-ն։
1001 գրանցված պատվիրակներից քվեարկությանը մասնակցել է 977-ը։ Մերցի օգտին քվեարկել է 878 պատվիրակ, իսկ դեմ՝ 85-ը։ Տասնչորս պատվիրակ ձեռնպահ է մնացել, և նրանց քվեաթերթիկները անվավեր են ճանաչվել ՔԴՄ-ի սահմանված ընթացակարգի համաձայն։
Այսպիսով՝ վերընտրված ՔԴՄ առաջնորդի աջակցության մակարդակը նրա կուսակիցների շրջանում մնում է կայուն բարձր։ Նախորդ՝ 2024 թվականի մայիսին կայացած համագումարում նա ստացել էր ձայների մոտ 90 տոկոսը։
Մերցն առաջին անգամ Քրիստոնեա-դեմոկրատական միության նախագահի պաշտոնը ստանձնել է 2022 թվականին՝ կորոնավիրուսային համավարակի պատճառով առցանց անցկացված կուսակցության համագումարի ժամանակ։ Նա Գերմանիայի կառավարության ղեկավարն է 2025 թվականի մայիսի 6-ից։ Ֆրիդրիխ Մերցը Գերմանիայի 10-րդ դաշնային կանցլերն է։
