18.08.2026 | 15:45
Վանաձոր քրեակատարողական հիմնարկի կալանավորը, ըստ հարազատների, մեկ ամիս է՝ հացադուլի մեջ է
Հովհաննես Համբարձումյան․ Կարիերայիս ամենակարևոր գոլը խփեցի․ ՏԵՍԱՆՅՈՒԹ
20.02.2026 | 17:15
Հայաստանի չեմպիոն «Նոայի» ավագ Հովհաննես Համբարձումյանը նիդերլանդական «ԱԶ Ալկմարի» դեմ Կոնֆերենցիաների լիգայի անցումային փլեյ-օֆֆի առաջին խաղում հաղթական գոլի հեղինակ դառնալուց հետո կիսվել է տպավորություններով։
«Տպավորությունները ֆանտաստիկ են։ Երևի, կարիերայիս ամենակարևոր գոլը խփեցի։ Իմ կարծիքով, նաև հայկական ակումբային ֆուտբոլի պատմության ամենակարևոր գոլն էր, որը հաղթանակ պարգևեց։ Շարժվում ենք առաջ, առջևում ևս մեկ կարևոր խաղ կա։ Մեկ շաբաթ անց կայանալիք պատասխան խաղը կորոշի, թե որ թիմն է գնում առաջ։
Ցանկանում եմ շնորհակալություն հայտնել մեր երկրպագուներին, նրանք ֆանտաստիկ են։ Նրանք մեր 12-րդ խաղացողն են, և դրանում ամեն ինչ ասված է։ Ամենադժվար պահերին երկրպագուները մեր կողքին են և առաջ են մղում մեզ»,- ակումբի մամուլի ծառայության հետ զրույցում ասել է Հայաստանի ազգային հավաքականի պաշտպանը, որի գոլն ՈՒԵՖԱ-ի վարկածով ընդգրկվել էր Կոնֆերենցիաների լիգայի շաբաթվա լավագույն գոլերի թվում։
«Նոայի» ու «ԱԶ Ալկմարի» պատասխան հանդիպումը կկայանա փետրվարի 26-ին Նիդերլանդներում։
