19.02.2026 | 17:38
Կփոխհատուցվեն 2024-2025 թթ. մարզերում տեղացած կարկուտի հետևանքով հողօգտագործողներին պատճառված վնասները
35-ամյա Ֆոնտանան նվաճել է 14-րդ օլիմպիական մեդալը․ ձմեռային Խաղերում ավելի շատ մեդալ ունի միայն մեկ մարզիկ
19.02.2026 | 13:32
Արիանա Ֆոնտանան Իտալիայի հավաքականի կազմում դարձել է Միլանում և Կորտինա դ’Ամպեցոյում ընթացող 25-րդ ձմեռային Օլիմպիական խաղերի շորթ-տրեկի կանանց 3000 մետր փոխանցումավազքի փոխչեմպիոն։
Դա 35-ամյա չմշկավազորդի 14-րդ մեդալն էր Օլիմպիական խաղերում։ Նա դարձել է ամենատիտղոսակիր օլիմպիականն Իտալիայի պատմության մեջ։
Ձմեռային Օլիմպիական խաղերում ավելի շատ մեդալ ունի միայն նորվեգացի լեգենդար դահուկավազորդ Մարիտ Բյորգենը (15 մեդալ)։ Ֆոնտանայի պես 14 մեդալ նվաճել է նաև նորվեգացի բիատլոնիստ Ուլե-Էյնար Բյորնդալենը։
Արիանա Ֆոնտանան իր առաջին օլիմպիական մեդալը նվաճել է 20 տարի առաջ դարձյալ տնային Օլիմպիական խաղերում, երբ 15 տարեկան էր։
