18.08.2026 | 16:48
«Փաշինյանը հայերենի հրաշալի իմացություն ունի». Ռուզաննա Երեմյանը՝«կզացնել»,«չոքացնել» խոսույթի մասին․ ՏԵՍԱՆՅՈՒԹ
Սաուդյան ակումբները հետաքրքրված են Հենրիխ Մխիթարյանի ծառայություններով
12.02.2026 | 11:42
«Ինտերը» ցանկանում է երկարաձգել գործող պայմանագիրը Հայաստանի ազգային հավաքականի նախկին ավագ Հենրիխ Մխիթարյանի հետ։ Իտալական ակումբը մեկ տարվա պայմանագիր կառաջարկի 37-ամյա կիսապաշտպանին։ Եթե կողմերը փոխհամաձայնության գան, Մխիթարյանը կարող է կարիերան ավարտել «Սան Սիրոյում», գրում է Sempreinter.com-ը՝ հղում անելով FCInterNews-ին։
Աղբյուրի համաձայն՝ այս մրցաշրջանի վերջում Մխիթարյանի հեռանալն «Ինտերից» անխուսափելի էր թվում, սակայն նրա հաջող խաղը ստիպել է ակումբին մտափոխվել։ Կողմերի միջև գործող պայմանագրի ժամկետը լրանում է այս տարվա ամռանը։
«Ինտերի» գլխավոր մարզիչ Կրիստիան Կիվուն բարձր է գնահատում հայ ֆուտբոլիստի կարևորությունը։
Սաուդյան Արաբիայի մի քանի ակումբներ ևս հետաքրքրված են Մխիթարյանի ծառայություններով։
Հայաստանի հավաքականի պատմության լավագույն ռմբարկուն 2022 թվականից է խաղում «Ինտերում», որի կազմում ընթացիկ մրցաշրջանում մասնակցել է 23 հանդիպման, դարձել 1 գոլի ու 2 գոլային փոխանցման հեղինակ։
Կարիերայի ընթացքում Մխիթարյանը հանդես է եկել նաև Երևանի «Փյունիկում» (2006-2009 թթ.), Դոնեցկի «Մետալուրգում» (2009-2010 թթ.) ու «Շախտյորում» (2010-2013 թթ.), Դորտմունդի «Բորուսիայում» (2013-2016 թթ.), անգլիական «Մանչեսթեր Յունայթեդում» (2016-2018 թթ.) ու «Արսենալում» (2018-2019 թթ.), իտալական «Ռոմայում» (2019-2022 թթ.)։
