04.04.2026 | 15:16
Կիլիան Մբապեն նշել է իր թերությունը խաղադաշտում
Ոստիկանները ապօրինի պահվող զենք-զինամթերք և մեծ քանակությամբ թմրանյութ են հայտնաբերել
Հասարակություն
09.02.2026 | 16:07
ՆԳՆ ոստիկանությունից հայտնում են, որ Սևան քաղաքում և Գեղարքունիքի մարզի երեք գյուղերում բնակվող մի խումբ բնակիչների տներից ապօրինի պահվող զենք-զինամթերք և թմրամիջոցներ են հայտմաբերել։
«Քրեական ոստիկանության Գեղարքունիքի մարզային վարչության ծառայողները դեռևս անցած տարվա նոյեմբերին ստացել էին օպերատիվ տեղեկություն, որ Սևան քաղաքի, Գագարին, Ծաղկունք և Լճաշեն գյուղերի բնակիչ մի խումբ տղամարդիկ ապօրինի պահում են զենք-զինամթերք և թմրամիջոցներ։
Նոյեմբերի 15-ին նախաձեռնվեց քրեական վարույթ։
Օպերատիվ-հետախուզական լայնածավալ միջոցառումների և քննչական գործողությունների արդյունքում տեղեկությունն ի վերջո հաստատվեց, ճշտվեց կասկածելի անձանց շրջանակը։
Փետրվարի 4-ին, դատարանի որոշմամբ Քննչական կոմիտեի ծառայողները, քրեական ոստիկաների և Համայնքային ոստիկանության Սևանի բաժնի ծառայողների հետ համատեղ 11 անձանց բնակության վայրերում կատարեցին խուզարկություններ։
Սևանի բնակիչ 34-ամյա տղամարդու տանը հայտնաբերվեց նռնակ և փամփուշտներ, Սևանի բնակիչ 29-ամյա տղամարդու տանը՝ թմբուկավոր ատրճանակ, դեղնականաչավուն զանգված և կանեփի սերմ, Ծաղկունքի բնակիչ 52-ամյա տղամարդու տանը՝ կանեփի 22 ցողուն՝ մոտ երկու կիլոգրամ քաշով, կանեփի սերմ, 620 գրամ կանեփի նմանվող զանգված, նաև՝ ավելի քան 11 կիլոգրամ չորացված-մանրացված զանգվածներով լցված 32 տարա, իսկ Լճաշենի բնակիչ 49-ամյա տղամարդու տանը հայտնաբերվեց մոտ 288 գրամ մանրացված կանեփանման զանգված։
Նախաքննությամբ հանգամանքները պարզվում են»,- ասված է հաղորդագրությունում։
