28.01.2026 | 15:00
ՀՀ-ն Թուրքիային հետախուզվողի է փոխանցել // Ուկրաինայի պատերազմում ընդհանուր կորուստները՝ 2 մլն․ ԼՈՒՐԵՐ
ՊԱՕԿ-ի երկրպագուներն ավտովթարի են ենթարկվել, կա 7 զոհ․ ԼՈՒՍԱՆԿԱՐ
28.01.2026 | 12:34
Ռումինիայում բեռնատարի հետ բախվել է հունական ՊԱՕԿ-ի 10 երկրպագու տեղափոխող միկրոավտոբուսը․ զոհվել է 7 երկրպագու, ևս երեքը ստացել են վնասվածքներ, հաղորդում է Skai հեռուստաալիքը։
Միկրոավտոբուսը Հունաստանից Ռումինիայի տարածքով ուղևորվում էր Ֆրանսիա, որտեղ ՊԱՕԿ-ը Եվրոպա լիգայի 8-րդ տուրում խաղալու է «Լիոնի» դեմ։
Վթարը տեղի է ունեցել ցերեկային ժամերին DN6-E70 ավտոմայրուղու վրա։ Միկրոավտոբուսը փորձել է շրջանցում կատարել, սակայն չհասցնելով վերադառնալ իր երթևեկության գոտի՝ բախվել է հանդիպակաց ուղղությամբ ընթացող բեռնատարին։ Բախման հետևանքով միկրոավտոբուսը հայտնել է ճանապարհից դուրս։
Հունաստանի արտաքին գործերի նախարարությունն անմիջապես հանձնարարել է Բուխարեստում Հունաստանի դեսպանատանը և հյուպատոսական բաժնին ցուցաբերել օգնություն հույն քաղաքացիներին և նրանց ընտանիքներին։ Դեսպանատնից հատուկ խումբ է ուղարկվել վթարի վայր և հիվանդանոցներ, որտեղ տեղափոխվել են տուժածները։
