28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
«Նոայի» մրցակից «Ազ Ալկմարը» հեռացրել է գլխավոր մարզչին
19.01.2026 | 14:29
Նիդերլանդական «ԱԶ Ալկմարի» գլխավոր մարզիչ Մարտեն Մարտենսը հեռացվել է զբաղեցրած պաշտոնից, հաղորդում է ակումբի մամուլի ծառայությունը։
Ակումբի ղեկավարությունը նման որոշում է կայացրել ներքին առաջնությունում անհաջող ելույթների պատճառով։ Նիդերլանդների առաջնության նախորդ տուրում «ԱԶ Ալկմարը» 1։3 հաշվով պարտվել է «Զվոլեին» ու 18 խաղից հետո 28 միավորով 8-րդ տեղում է։
41-ամյա բելգիացի մասնագետ Մարտեն Մարտենսը 2024թ․ հունվարին էր գլխավորել նիդերլանդական ակումբը։
Մինչև այս մրցաշրջանի ավարտը «ԱԶ Ալկմարի» գլխավոր մարզիչի պարտականությունները կկատարի 57-ամյա Լերոյ Էհտելդը, որը մինչև այս գլխավորում էր ակումբի երիտասարդական թիմը։
Հիշեցնենք, որ «ԱԶ Ալկմարը» Հայաստանի չեմպիոն «Նոայի» մրցակիցն է Կոնֆերենցիաների լիգայի անցումային փլեյ-օֆֆում։ Առաջին հանդիպումը կկայանա փետրվարի 19-ին Երևանում, իսկ պատասխան խաղը՝ մեկ շաբաթ անց Նիդերլանդներում։ «Նոայի» ու «Ազ Ալկմարի» դիմակայության հաղթողը 1/8 եզրափակիչում կմրցի կամ Աթենքի ԱԵԿ-ի (Հունաստան), կամ Պրահայի «Սպարտայի» (Չեխիա) հետ։
