30.10.2026 | 16:48
Մխիթար Խաչիկյանը Նոյեմբերյանում ՔՊ-ի համայնքապետի թեկնածուն է
Ռուբիոն կարևորել է Հայաստանի ինքնիշխանությունն ու տարածքային ամբողջականությունը
Քաղաքականություն
13.01.2026 | 22:58
Վաշինգտոնում տեղի է ունեցել ԱՄՆ պետքարտուղար Մարկո Ռուբիոյի և ՀՀ ԱԳ նախարար Արարատ Միրզոյանի հանդիպումը։ Բանակցությունների սկզբում Ռուբիոն հայտարարությամբ է հանդես եկել՝ անդրադառնալով նաև TRIPP-ի կենսագործման շրջանակի վերաբերյալ համատեղ հայտարարությանը։
Նա նշել է, որ ստորագրվող փաստաթուղթը համաձայնագրի իրականացման հիանալի օրինակ է, որը մի կողմից բացում է Հայաստանի տնտեսական հնարավորությունները, թույլ է տալիս տնտեսապես բարգավաճել, նաև նպաստում է Հայաստանի ինքնիշխանությանն ու չի խաթարում այն։ ՀՀ ինքնիշխանության վերաբերյալ հարցեր չկան, դրան վերաբերվում են լիակատար հարգանքով, ասել է նա։
Ըստ Ռուբիոյի՝ կշարունակվեն նաև կառուցվել ՀՀ-ԱՄՆ երկկողմ հարաբերությունները, դրանք ուժեղ կլինեն այս համաձայնագրերով։ Ամերիկացի պաշտոնյան ասել է, որ սա կարող է լինել մոդել աշխարհի համար, որ կարող ես բացվել տնտեսական գործունեության և բարգավաճման համար՝ առանց հարցականի տակ դնելու երկրի ինքնիշխանությունն ու տարածքային ամբողջականությունը։
Մարկո Ռուբիոն նշել է՝ դա հիանալի կլինի Հայաստանի, հիանալի է Միացյալ Նահանգների, ինչպես նաև բոլոր ներգրավված կողմերի համար։
Թարգմանությունը՝ Էմմա Չոբանյանի
