25.12.2025 | 21:14
Հայաստանի մի շարք հասցեներում էլեկտրաէներգիայի անջատումներ կլինեն
Լեգենդար գեղասահորդը խորհուրդ է տվել Ադելիա Պետրոսյանին
25.12.2025 | 17:48
Ռուս լեգենդար գեղասահորդ Եկատերինա Գորդեևան խորհուրդ է տվել Ադելիա Պետրոսյանին, որն օրեր առաջ երրորդ տարին անընդմեջ դարձել էր գեղասահքի կանանց Ռուսաստանի չեմպիոն։ Հայ մարզուհին մի քանի սխալ էր թույլ տվել ազատ ծրագրում, բայց արժանացել էր ոսկե մեդալի։
«Երբ Ադելիան Չինաստանում մասնակցում էր ընտրական մրցաշարին, նա ավելի հանգիստ էր։ Իսկ հիմա երևում է, որ արդեն լարված է։ Ես կարող եմ նրան մաղթել հանգստություն։ Դա, իհարկե, անհնար է անել։ Առավել ևս՝ Օլիմպիական խաղերում։ Անկախ նրանից, թե ինչպես կատարեց իր ելույթը Ռուսաստանի առաջնությունում, միևնույն է՝ նա մեկնելու է։ Նա ինքն իր վրա մեծ ճնշում է դնում։ Բացի այդ, նա հասկանում է, որ շատ այլ աղջիկներ նույնպես արժանի են մեկնելու Օլիմպիական խաղերին։ Նա դա զգում է»,- «Каток» յութուբյան ալիքի եթերում ասել է Եկատերինա Գորդեևան։
18-ամյա Ադելիա Պետրոսյանը մասնակցելու է 2026թ․ փետրվարի 6-22-ին իտալական Միլանում ու Կորտինա դ՛Ամպեցոյում կայանալիք ձմեռային Օլիմպիական խաղերին։
