23.12.2025 | 19:39
Երկիրը պետք է ունենա հինգերորդ, նոր առաջնորդ, նոր ազգանվամբ․ Նարեկ Կարապետյան
Էկոնոմիկայի նախարարությունը՝ ՌԴ-ից Ադրբեջանի տարածքով Հայաստան ուղարկվող հացահատիկի մասին
Տնտեսություն
23.12.2025 | 15:52
ՌԴ Վոլգոգրադի մարզից բեռնատար գնացքով Հայաստան է ուղարկվել հացահատիկի առաջին խմբաքանակը։ Պրիվոլժսկի երկաթուղու մամուլի ծառայությունից Volzhsky.ru-ին հայտնել են, որ ցորենի վագոնները մեկնել են Վոլգոգրադի մարզի Գմելինսկայա կայարանից։ Տեղեկատվությունը Factor.am-ի հետ զրույցում հաստատեցին Էկոնոմիկայի նախարարության մամուլի ծառայությունից։
Նախարար Գևորգ Պապոյանը Կառավարության նիստից հետո ճեպազրույցի ժամանակ էր հայտնել, որ Ադրբեջանի տարածքով հացահատիկի նոր խմբաքանակների ներկրում է սպասվում։
Ռուսական լրատվամիջոցը հայտնում է, որ առաջին խմբաքանակը բաղկացած կլինի ութ հացահատիկային վագոնից։ Մինչև 2025 թվականի վերջը նախատեսվում է Հայաստան առաքել, ընդհանուր առմամբ, ավելի քան 2000 տոննա ցորեն՝ 30 հացահատիկային վագոն։
Անի Թամրազյան
