13.01.2026 | 17:41
Դիմակավորված և զինված անձինք փորձել են գողանալ տերմինալը․ ՆԳՆ
Վոլգոգրադի մարզից երկաթուղով Ադրբեջանի տարածքով հացահատիկ է ուղարկվել Հայաստան
Տնտեսություն
23.12.2025 | 14:13
ՌԴ Վոլգոգրադի մարզից բեռնատար գնացքով Հայաստան է ուղարկվել հացահատիկի առաջին խմբաքանակը։ Պրիվոլժսկի երկաթուղու մամուլի ծառայությունից Volzhsky.ru-ին հայտնել են, որ ցորենի վագոնները մեկնել են Վոլգոգրադի մարզի Գմելինսկայա կայարանից։ Դրանք Ադրբեջանի տարածքով կհասցվեն Երևանի կայարան։
Առաջին խմբաքանակը բաղկացած է ութ հացահատիկային վագոնից։
Մինչև 2025 թվականի վերջը նախատեսվում է Հայաստան առաքել, ընդհանուր առմամբ, ավելի քան 2000 տոննա ցորեն՝ 30 հացահատիկային վագոն։
Նշվում է, որ Ադրբեջանով Հայաստան բեռների տարանցումը վերսկսելու որոշումից հետո հասանելի է դարձել նոր լոգիստիկ ծառայություն։ Նման երկաթուղային փոխադրումները հնարավոր են դարձել 1990-ական թվականներից ի վեր առաջին անգամ, նշում է աղբյուրը։
Թարգմանությունը՝ Էմմա Չոբանյանի
