22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Երկրպագուներն անկարգություններ են սարքել Հնդկաստանում Մեսիի արձանի բացման ժամանակ․ ՏԵՍԱՆՅՈՒԹ
13.12.2025 | 15:13
Հնդկաստանի Կալկաթա քաղաքում երկրպագուներն անկարգություններ են սարքել աշխարհի չեմպիոն Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսիի արձանի բացման հանդիսավոր արարողության ժամանակ, հաղորդում է The Guardian-ը։
Դեկտեմբերի 12-ին «Ոսկե գնդակի» 8-ակի դափնեկիրը ժամանել է Հնդկաստան՝ մասնակցելու իր 20-մետրանոց արձանի բացմանը։
38-ամյա Մեսին 70 հազար հանդիսական տեղավորող «Սոլթ Լեյք» ստադիոնից արարողությանը հետևել է տեսակապի միջոցով։ Նա թիկնապահների ուղեկցությամբ շրջել է խաղադաշտում, ողջունել երկրպագուներին ու շուրջ 20 րոպե անց հեռացել ստադիոնից։ Դա դուր չի եկել տոմս գնած բազմաթիվ երկրպագուների, որոնք չեն հասցրել վայելել իրենց կուռքի հետ հանդիպումը։ Ֆանատները սկսել են շշեր նետել խաղադաշտ ու վնասել են ստադիոնի գույքը։
Կալկաթայում Մեսիի արձանը տեղադրվել է արգենտինացի լեգենդար ֆուտբոլիստ Դիեգո Մարադոնայի արձանի հարևանությամբ։
Հիշեցնենք, որ օրեր առաջ Լիոնել Մեսին առաջին անգամ դարձել էր MLS-ի չեմպիոն ու երկրորդ տարին անընդմեջ ճանաչվել մրցաշրջանի ամենաարժեքավոր ֆուտբոլիստ (MVP)։ MLS-ի ավարտված մրցաշրջանում արգենտինացին մասնակցել էր 34 հանդիպման, դարձել 35 գոլի ու 23 գոլային փոխանցման հեղինակ։
