28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Ֆորմուլա-1-ը նոր չեմպիոն ունի․ ՏԵՍԱՆՅՈՒԹ
08.12.2025 | 12:34
«Մաքլարենի» բրիտանացի ավտոարշավորդ Լանդո Նորիսը պատմության մեջ առաջին անգամ նվաճել է Ֆորմուլա-1-ի չեմպիոնի տիտղոսը։
Մրցաշրջանի վերջին Մեծ մրցանակը կայացել է Աբու Դաբիում, որտեղ 26-ամյա Նորիսը գրավել է երրորդ տեղը, սակայն դա նրան չի խանգարել հաղթել ընդհանուր հաշվարկում։
Աբու Դաբիի Մեծ մրցանակում հաղթել է «Ռեդ Բուլի» նիդերլանդցի ավտոարշավորդ Մաքս Ֆերստապենը, որը երկրորդ տեղն է գրավել ընդհանուր հաշվարկում։ Ֆերստապենը Ֆորմուլա-1-ի չեմպիոնի տիտղոսը նվաճել էր նախորդ 4 տարիներին։
Ընդհանուր հաշվարկում երրորդ տեղը գրավել է «Մաքլարենի» մեկ այլ ներկայացուցիչ Օսկար Պիաստրին, որը երկրորդն էր Աբու Դաբիում։
Կոնստրուկտորների գավաթին արժանացել է «Մաքլարենը»։ Երկրորդ տեղը գրավել է «Մերսեդեսը», երրորդը՝ «Ռեդ Բուլը»։
