13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Արթուր Ալեքսանյանը Մալխաս Ամոյանին կօգնի PWL 10-ում
04.11.2025 | 18:26
Փարիզ-2024 Օլիմպիական խաղերի բրոնզե մեդալակիր, աշխարհի կրկնակի ու Եվրոպայի քառակի չեմպիոն Մալխաս Ամոյանը կմասնակցի Ըմբշամարտի պրոֆեսիոնալ լիգայի հերթական մրցաշարին՝ PWL 10-ին։
Մոսկվայում նոյեմբերի 8-ին կայանալիք մրցաշարի 77 կգ քաշային կարգում Հայաստանի ներկայացուցիչը կմրցի Ռուսաստանի եռակի չեմպիոն Սերգեյ Ստեպանովի հետ։
Ամոյանը և Ստեպանովը նախկինում հանդիպել են 2 անգամ։ 2019-ին Մալխասը մրցակցին 5։4 հաշվով հաղթել է Եվրոպայի պատանեկան առաջնության կիսաեզրափակիչում, իսկ 2004-ին ռուս ըմբիշը 3։0 հաշվով ռևանշի է հասել PWL 4 մրցաշարում։
PWL-ի մամուլի ծառայությունը հայտնում է, որ մրցաշարի ընթացքում Մալխաս Ամոյանի մարտավկան լինելու է օլիմպիական չեմպիոն, աշխարհի քառակի ու Եվրոպայի 7-ակի չեմպիոն Արթուր Ալեքսանյանը։
PWL 10-ին կմասնակցի նաև Բուլղարիան ներկայացնող հայ ըմբիշ Հայկ Մնացականյանը, որը 82 կգ քաշային կարգում ուժերը կչափի Օլիմպիական խաղերի փոխչեմպիոն ու բրոնզե մեդալակիր, աշխարհի կրկնակի չեմպիոն, ղրղզ Ակժոլ Մահմուդովի հետ։
Մրցաշարին հայտավորվել են անվանի ըմբիշներ 14 երկրից։
