19.07.2026 | 16:59
Ձեռնարկվում են միջոցառումներ դեպքի մյուս մասնակիցներին հայտնաբերելու ուղղությամբ. ՆԳՆ
Եթե «Ակադեմիական քաղաքը» լինի այնպիսին, ինչպիսին ներկայացվում է, Թատերական ինստիտուտը կշահի. Նալբանդյան. ՏԵՍԱՆՅՈՒԹ
Հասարակություն
18.10.2025 | 19:00
«Մեր բուհերում դասախոսների աշխատավարձերը շատ ցածր են, դա լուրջ խնդիր է և պայմանավորված է նրանով, որ ուսման վարձերն են ցածր: Մեր բյուջեի շուրջ 80 տոկոսը գնում է աշխատավարձային ֆոնդ»,- Factor TV-ի հետ զրույցում նշում է ԵԹԿՊԻ ռեկտոր, մշակութաբան, թատերագետ Սառա Նալբանդյանը:
Նա խոսում է նաև բուհում թափուր մնացած տեղերի և դրա պատճառների մասին. «Այն, որ Հայաստանում դիմորդները չեն ուզում կինոգետ ու թատերագետ դառնալ, դա մեր բացթողումն է, պատճառը մեր ծրագրերն են, որոնք պետք է թարմացնել: Այդ ուղղությամբ քայլեր տանում ենք: Դիմորդը չգիտի`ինչով է զբաղվելու հետագայում»:
Ինչ վերաբերում է բուհերի խոշորացմանն ու «Ակադեմիական քաղաք» ծրագրին, Սառա Նալբանդյանը այն համոզման է, որ այն կարող է ի նպաստ Թատերական ինստիտուտի լինել. «Եթե ծրագիրն իրականացվի այնպես, ինչպես ներկայացվում է, մեր բուհը միայն շահելու է, կունենանք գոնե բարձր առաստաղով պավիլիոն, պայմաններ, որոնք անհրաժեշտ են թատերական բուհերին»:
Անդրադառնալով Թատերական ինստիտուտում տարիներ շարունակ առկա խնդրին` գործնական գիտելիքների պակասին, ռեկտորը նշում է`ուսանողներից շատերն այսօր կապեր ունեն փրոդաքշընների, թատրոնների հետ. «Մեր ուսանողական թատրոնը շուտով տոմս կվաճառի, ինչ վերաբերում է կինոյին, ունենք տեխնիկական այնպիսի հնարավորություններ, որոնցով ամոթ չէ ֆիլմ նկարել ու ներկայանալ փառատոների»:
Մանրամասները`տեսանյութում:
Աննա Բաբաջանյան
