09.08.2026 | 11:18
Ուկրաինան հարվածներ է հասցրել Բելգորոդին․ տուժել է 13 մարդ
Տարբեր կողմերից կարող են ճնշել իշխանությանը զիջումների գնալ Ղարաբաղի հարցում. Արմեն Ռուստամյան. ՏԵՍԱՆՅՈՒԹ
Քաղաքականություն
26.10.2018 | 11:35
«Ես կարծում եմ, որ կա այդպիսի իրավիճակ, որն ինձ հիշեցնում է 90-ականների իրավիճակը, չնայած այն ժամանակ ամեն գնով հարցի լուծման գնալու տարբերակը կանխվեց, որովհետև իշխանությունները ձևավորվեցին հենց Ղարաբաղի հարցով: Սա բավականին լուրջ խթան է, որ օրվա իշխանություններն իրենց մեծ վստահությունը օգտագործեն նաև ազգային շահից ելնելով և Ղարաբաղի հարցը լուծելով»,- այս մասին այսօր խորհրդարանական ճեպազրույցների ժամին հայտարարեց ԱԺ ՀՅԴ խմբակցության ղեկավար Արմեն Ռուստամյանը՝ անդրադառնալով ԱՄՆ նախագահի ազգային անվտանգության հարցերով խորհրդական Ջոն Բոլթոնի հայտարարությանը:
Հիշեցնենք՝ Հայաստանում գտնվող Ջոն Բոլթոնը ասել է, որ Հայաստանի իշխանությունների օրակարգում ԼՂ հակամարտության կարգավորման հարցն առաջնային է։ «Եթե կանխատեսումներն իրականություն դառնան, և նա (Նիկոլ Փաշինյանը) ընտրվի վարչապետ, ապա հզոր մանդատ կունենա մի շարք կարեւոր քայլերի համար։ Վճռական քայլեր կատարելու համար լավագույնը պահն ընտրություններից հետո է»,- ընդգծել էր Բոլթոնը:
Արմեն Ռուստամյանի կարծիքով՝ տարբեր կողմերից կարող են ՀՀ իշխանությունների վրա ճնշումներ լինել, որ նրանք, մեծ վստահություն ունենալով, գնան խիզախության և այնպիսի զիջումների, որոնք կարող են իրենց հեղինակության շնորհիվ ունենալ:
Մանրամասները՝ տեսանյութում:
