16.12.2025 | 18:10
Էդուարդ Սպերցյանը շարունակում է մնալ ՌՊԼ-ի ամենաթանկ ֆուտբոլիստներից մեկը
Երևանին և Բաքվին զենք վաճառելով՝ Ռուսաստանն ազդեցության լծակ է ունենում կողմերի վրա. Բոլթոն. ՏԵՍԱՆՅՈՒԹ
Քաղաքականություն
25.10.2018 | 15:10
Երևանին և Բաքվին զենք վաճառելով՝ Ռուսաստանն ազդեցության լծակ է ունենում ղարաբաղյան հակամարտության կողմերի վրա: Այս մասին այսօր՝ հոկտեմբերի 25-ին, Երևանում լրագրողների հետ հանդիպմանն ասաց ԱՄՆ նախագահի՝ ազգային անվտանգության հարցերով խորհրդական Ջոն Բոլթոնը:
«Հայաստանն իր սպառազինության մեծամասնությունը ձեռք է բերում Ռուսաստանից, Ադրբեջանը նույնպես իր զենքի 80 տոկոսը գնում է Ռուսաստանից: Այս հանգամանքը, անշուշտ, չի նպաստում հակամարտության կարգավորմանը, քանի որ դա ազդեցության լծակ է տալիս կողմերի նկատմամբ»,- հավելեց ամերիկացի պաշտոնյան:
Ինչ վերաբերում է «Ազատության աջակցության մասին ակտի» 907-րդ լրացման չեղարկմանը, որով սահմանափակվում է Ադրբեջանին հատկացվող օգնությունը: Բոլթոնի խոսքով՝ այս պահին դեռևս որոշում կայացված չէ, և դժվար է ասել, թե ինչպիսին կլինի այն՝ կողմերին զենքի վաճառքն ավելացնելու մասով:
Նշենք, որ 1992 թվականին ԱՄՆ Կոնգրեսի կողմից ընդունված «Ազատության աջակցության մասին ակտի» 907-րդ լրացումը նախատեսում է Ադրբեջանի կառավարությանն օգնության տրամադրման արգելք՝ Հայաստանի և Լեռնային Ղարաբաղի շրջափակման պատճառով:
Մանրամասները՝ տեսանյութում:
