07.09.2026 | 13:45
Մայր Աթոռը խոսում է Հովհաննավանքի «անհարիր միջոցառման» մասին, Տեր Արամը պնդում է՝ տեսանյութերը կեղծ են
ՆԱՏՕ-ի հյուսիսարևելյան սահմանը փորձության է ենթարկվում, պետք է վճռական քայլեր ձեռնարկենք. Լիտվայի պաշտպանության նախարար
Քաղաքականություն
20.09.2025 | 18:48
ՆԱՏՕ-ի անդամ երկրները նախատեսում են խորհրդակցության անցկացնել հաջորդ շաբաթվա սկզբին՝ ի պատասխան Էստոնիայի հաղորդման, ըստ որի՝ երեք ռուսական МиԳ-31 կործանիչներ առանց թույլտվության մուտք են գործել Էստոնիայի օդային տարածք՝ Ֆիննական ծոցի վրա գտնվող Վայնդլոո կղզու հատվածում։
Խորհրդակցությունները տեղի կունենան Հյուսիսատլանտյան պայմանագրի 4-րդ հոդվածի շրջանակում, ըստ որի՝ ՆԱՏՕ-ի անդամները կարող են դիմել համատեղ քննարկման, եթե նրանցից որևէ մեկը համարում է, որ իր տարածքային ամբողջականությանը, քաղաքական անկախությանը կամ անվտանգությանը սպառնալիք է ներկայացվում։
Լիտվայի պաշտպանության նախարար Դովիլե Շակալենեն նշել է․ «ՆԱՏՕ-ի հյուսիսարևելյան սահմանը փորձության է ենթարկվում, և դա պատահական չէ։ Մենք պետք է վճռական քայլեր ձեռնարկենք»։
ԱՄՆ նախագահ Դոնալդ Թրամփը նշել է․ «Ինձ դա դուր չի գալիս։ Ես չեմ սիրում, երբ նման բան է տեղի ունենում։ Դա կարող է դառնալ մեծ խնդիր, բայց ես ձեզ ավելի ուշ կասեմ»։
Էստոնիայի արտաքին գործերի նախարար Մարգուս Ցախքնան հավելել է․ «Այս տարի սա արդեն Ռուսաստանի չորրորդ խախտումն է Էստոնիայի օդային տարածքում, ինչը ինքնին անընդունելի է։ Սակայն այսօրվա խախտումը՝ երեք կործանիչների ներխուժումը մեր տարածք, աննախադեպ խիզախություն է ցուցաբերում»։
